Maha Shivratri 2022 : મહાશિવરાત્રીએ આ 5 રાશિના લોકો પર ભગવાન ભોળેનાથની થશે વિશેષ કૃપા

હિંદુ ધર્મમાં મહા શિવરાત્રી (Maha Shivratri 2022) ના તહેવારનું ખૂબ મહત્વ છે. આ દિવસે શિવભક્તો ઉપવાસ રાખે છે અને ભગવાન શિવની પૂજા કરે છે. આ વર્ષે મહાશિવરાત્રીનો તહેવાર 01 માર્ચ, મંગળવારના રોજ આવી રહ્યો છે. આ વાર્ષિક તહેવાર દેશભરમાં ભવ્ય રીતે ઉજવવામાં આવે છે. આ દિવસે ભગવાન શિવને પ્રસન્ન કરવા માટે તમે બીલીપત્ર અને જળ અર્પણ કરી શકો છો. આમ કરવાથી તમારી બધી મનોકામનાઓ પૂર્ણ થશે. આ વર્ષે મહાશિવરાત્રીનો (Maha Shivratri) તહેવાર કેટલીક રાશિઓ (Zodiac Signs) માટે ખૂબ જ શુભ રહેશે. તેમાં મેષ, વૃશ્ચિક અને કુંભ રાશિનો સમાવેશ થાય છે. આ રાશિના જાતકો પર ભગવાન શિવની વિશેષ કૃપા રહેશે.

મેષ રાશિ: મેષ રાશિ વાળા લોકો માટે આ મહાશિવરાત્રીનો પર્વ ખુબ જ શુભ સાબિત થઈ શકે છે. આ દિવસે શિવના મંદિરે જઈને શિવલિંગનો અભિષેક કરવાથી ભગવાન શિવના આશીર્વાદથી તમારી તમામ મનોકામનાઓ પૂર્ણ થશે અને તમારા તમામ કાર્ય સફળ થઈ જશે.

મિથુન રાશિ: મહાશિવરાત્રીના દિવસે તમને સારા સમાચાર મળી શકે છે. ભગવાન શિવના તમને વિશેષ આશીર્વાદ મળવાની સાથે વિશેષ કૃપા પણ બની રહેશે. તમારા વૈવાહિક જીવનમાં પણ સારા બદલાવ આવશે. અને સબંધો સુધરવાની સૌથી વધારે સંભાવનાઓ રહેલી છે. તમારી સાથી સાથે તમારા બંધન મજબૂત થઈ શકે છે અને ભગવાન શિવ તરફથી વિશેષ ઉર્જા પ્રાપ્ત થઈ શકે છે.

વૃશ્ચિક રાશિ: આ રાશિના જાતકોને આ શિવરાત્રીએ ભગવાન શિવની વિશેષ કૃપા પ્રાપ્ત થશે. શિવરાત્રીના દિવસ બાદથી માનસિક શાંતિ મળશે અને સારો અનુભવ થશે જેનાથી ફાયદો થશે. જો આ રાશિના લોકો નોકરીની શોધમાં હોય તો તે લોકોને સફળતા મળી શકે છે. નૌકરી તથા વેપારમાં સફળતા મળવાના યોગ ઉભા થઈ શકે છે.

મકર રાશિ: મકર રાશિના લોકોને શનિદેવ અને મહાદેવની વિશેષકૃપા તથા આશીર્વાદ પ્રાપ્ત થઈ શકે છે. આ શિવરાત્રીએ બીલીપત્ર, ગંગા જળ, ગાયનું દૂધ સાથે ભગવાન શિવની પૂજા કરવાથી સુખની સાથે સમૃદ્ધિ અને ખુશી પ્રાપ્ત થશે.

કુંભ રાશિ: આ રાશિના જાતકોને શિવારાત્રીના દિવસે શનિદેવ અને મહાદેવ તરફથી વિશેષ આશીર્વાદ પ્રાપ્ત થશે કાર્યક્ષેત્રમાં સફળતા મળશે અને ધનની સાથે સાથે આર્થિક વૃદ્ધિ થશે. આ તહેવાર પર ઉપવાસ કરવાથી અને વીધિ-વિધાન અનુસાર શિવની પૂજા કરવાથી વિશેષ ફાયદો પણ થઈ શકે છે.