નગ્ન શરીરે દંડ ભરતા માતાના દરબારમાં પહોંચે ભક્તો! અહીં માંગેલી મનોકામના અચૂક થશે પૂરી

MADHYAPRADESH: બાલ ખંડન ખેર માતાનું મંદિર મધ્ય પ્રદેશના દમોહ જિલ્લાથી લગભગ 35 કિમી દૂર તેજગઢ પોલીસ સ્ટેશન વિસ્તારમાં એક પર્વત પર બનેલું છે. આ પ્રાચીન મંદિર આસપાસના વિસ્તારના લોકોની શ્રદ્ધા, આસ્થા અને ભક્તિનું કેન્દ્ર છે. નવરાત્રિ પર્વમાં અહીં રોજ હજારો ભક્તો માતાના દર્શન કરવા માટે અને પૂજા કરવા અને આશીર્વાદ મેળવવા આવે છે.

અહીંની એક વિશેષ પરંપરા છે. જે નવરાત્રિ પર્વની નવમીના દિવસે અનુસરવામાં આવે છે. આ અંતર્ગત માતા રાનીના સેંકડો ભક્તો ખુલ્લા શરીરો પહેરીને માત્ર રૂમાલમાં લપેટીને દંડ કરતા કરતા માતા રાનીના દરબારમાં પહોંચે છે. અને આ રીતે તેઓ માતા પાસેથી સુખ અને સમૃદ્ધિ માટે પ્રાર્થના કરે છે.

અહીં મંદિરમાં ભક્તો પરંપરા અનુસાર ફક્ત રૂમાલમાં લપેટીને નગ્ન અવસ્થામાં જાય છે. આ સાથે માતાને અર્પણ કરવા માટે તેમના દ્વારા હાથમાં નાળિયેર પણ રાખવામાં આવે છે. અહીં સુધી પહોંચવાનો રસ્તો ઘણો મુશ્કેલ છે. લગભગ 2 કિલોમીટરના કાંકરા-પથ્થરના રસ્તા પરથી લોકો દંડ કરીને ખુલ્લા શરીરે અહીં પહોંચે છે. જો કે, ભક્તિમય વાતાવરણમાં લોકો તમામ મુશ્કેલીઓને સરળતાથી પાર કરી લે છે. અને શ્રદ્ધાના કારણે માતાના દરબારમાં પહોંચી જાય છે.

આ મંદિરમાં સદીઓથી આ પરંપરા ચાલી આવે છે. શ્રદ્ધા અને ભક્તિનું આ દ્રશ્ય અનોખી ભારતીય સનાતન ધર્મની અનોખી સંસ્કૃતિનું ઉદાહરણ છે. આ દ્રશ્ય અનોખુ અને જોવા જેવુ હોય છે. આ વર્ષે 200 જેટલા ભક્તો રૂમાલ લપેટીને દંડ ભરીને માતાના ચરણોમાં વંદન કરવા પહોંચ્યા હતા. સમગ્ર વિસ્તાર માતાના જયઘોષથી ગુંજી ઉઠ્યો હતો. અને એક અનોખી અનુભૂતિ ભક્તોએ અનુભવી હતી.

પેઢીઓથી આ પરંપરાનું પાલન કરવામાં આવે છે. સ્થાનિકોના જણાવ્યા અનુસાર તેમના વડીલો પણ આ જ રીતે માતા રાનીની પૂજા કરતા આવ્યા છે. આ કારણે ઘણા વર્ષોથી લોકો નવરાત્રની નવમીએ દંડ ભરીને માના દરબારમાં પહોંચે છે અને પોતાની આસ્થાના પ્રતિક સમુ નારિયેળ અર્પણ કરે છે.

લોકોનું માનવું છે કે આ રીતે દંડ કરવાથી  માતાના દરબારમાં પહોંચવાથી ઈચ્છિત મનોકામના પૂર્ણ થાય છે. નવરાત્રી દરમિયાન માતાના દર્શન કરવા માટે હજારો ભક્તો આ મંદિરે ઉમટી પડે છે. જેમની મનોકામના પૂર્ણ થાય છે તેઓ પણ માતાના ચરણોમાં માથું નમાવવા અચૂક પહોંચી જાય છે.