Astrology: કેતુ ગ્રહ 2023 સુધી તુલા રાશિમાં કરશે ગોચર, આ રાશિના લોકોના જીવનમાં લાવશે સુખ-સમૃદ્ધિ

ધર્મભક્તિ ડેસ્ક: જ્યોતિષશાસ્ત્રમાં કેતુને (Ketu Transist 2022) માયાવી ગ્રહનો દરજ્જો મળેલો છે. તેનું નામ સાંભળતા જ લોકો ગભરાવા લાગે છે. પરંતુ એવું જરૂરી નથી કે કેતુની અસર દરેક વ્યક્તિ પર ખરાબ થાય. આ ગ્રહ પણ શુભ ફળ આપે છે. પરંતુ તે તમારી કુંડળીમાં કેતુની સ્થિતિ પર નિર્ભર કરે છે કે તે તમને કેવું પરિણામ આપશે. જો આ ગ્રહ જન્મકુંડળીમાં યોગકારક અથવા શુભ ઘરોમાં હોય અને શુભ ગ્રહો સાથે હોય તો જ શુભ ફળ આપે છે. કેતુએ 12મી એપ્રિલ 2022ના રોજ તુલા રાશિમાં પ્રવેશ કર્યો. આ ગ્રહ 30 ઓક્ટોબર 2023 સુધી આ રાશિમાં રહેશે. જાણો કઈ રાશિ માટે લગભગ દોઢ વર્ષનો આ સમયગાળો શુભ સાબિત થશે.

વૃષભ રાશિઃ કેતુનુ તુલા રાશિમાં ગોચર વૃષભ રાશિના જાતકો માટે ખૂબ શુભ સાબિત થશે. આ સમય દરમ્યાન તેમના પરાક્રમ અને સાહસમાં વધારો થશે સાથે જ વિવિથ સોર્સમાંથી તેમને ધન લાભની પ્રાપ્તિ થશે. લાંબા સમયથી અટકેલા કાર્યો પૂર્ણ થતા દેખી રહ્યાં છે.

કર્ક રાશિ:  તુલા રાશિમાં કેતુનું ગોચર કર્ક રાશિના લોકો માટે શુભ સાબિત થઈ શકે છે. આ સમય દરમ્યાન તમારા લાંબા સમયથી અટકેલા કાર્યો પૂર્ણ થઈ શકે છે. તમારી પદ-પ્રતિષ્ઠામાં વધારો થવાની સંભાવનાઓ રહેશે. કોઈ સારા સમાચાર સાંભળવા મળી શકે છે. તમે તમારી અલગ ઓળખ બનાવી શકશો.

સિંહ રાશિ: તુલા રાશિમાં કેતુનું ગોચર સિંહ રાશિના લોકોની હિંમતમાં વધારો કરશે. આ સમય દરમ્યાન આ રાશિના લોકોના વધુ ભાગ્યશાળી બનવાના ચાન્સ છે. કાર્યોમાં આગેવાની લેવાની તક મળી શકે છે. આર્થિક સ્થિતિ મજબૂત રહેવાની અપેક્ષા છે.

તુલા રાશિ: આ રાશિના લોકો માટે પણ આ કેતુનું આ ગોચર શુભ દેખાઈ રહ્યું છે. અપરિણીત લોકો માટે લગ્નની તક રહેશે. રોજગારીની તકો પ્રાપ્ત થશે. નાણાંકીય સ્થિતિ સારી રહેશે.

વૃશ્ચિક રાશિ: તમે તમારા શત્રુઓ પર વિજય મેળવશો. તમારી હિંમત વધવાની શક્યતાઓ દેખાઈ રહી છે. તમે કાર્યક્ષેત્રમાં સારી પ્રગતિ કરી શકશો અને અનેક પ્રકારના સુખની પ્રાપ્તિની પ્રબળ સંભાવના છે.

ધન રાશિઃ કેતુનુ તુલા રાશિમાં ગોચર ધન રાશિના જાતકો માટે ખૂબ શુભ સાબિત થશે. આ ગોચર તેમના જીવનમાં સફળતા લઈને આવશે. ધન સંપત્તિ અને જમીન સાથે જોડાયેલા મામલાઓમાં લાભ પ્રાપ્ત થશે. ખ્યાતિમાં વધારો થશે.