ગણપતિ બાપ્પા મોરયા...વિઠ્ઠુ રુક્મિણી મંદિરના ગણપતિની મનમોહક તસવીરો

મહારાષ્ટ્ર સહિત પૂરા ભારતમાં ગણેશ ચતુર્થી (Ganesh Chaturthi) પર્વની ધૂમધામથી ઉજવણી કરવામાં આવી રહી છે. આરતીથી લઇને મંગલગાયન સુધી વિવિધ કાર્યક્રમો કરવામાં આવી રહ્યા છે. મહારાષ્ટ્રમાં ગણેશ ચતુર્થીની ખાસ ધૂમ હોય છે. કોરોના વાયરસના કારણે પંડાલોમાં હાલ એટલી સજાવટ કે ભીડ નથી પણ તેમ છતાં ગણેશ ઉત્સવનો ઉલ્લાસ ચોક્કસથી જોવા મળે છે.

ગણેશ ઉત્સવમાં આ વખતે આ મંદિરને દુર્વાથી સજાવવામાં આવ્યુ હતું. પૂજારીઓનું કહેવું છે કે દૂર્વાના ઉપયોગથી ગણરાયનને શાંત કરવા માટે કરવામાં આવે છે. આ માટે કોરોના કાળને જોઇને ખાસ સજાવટમાં તેનો ઉપયોગ કરવામાં આવ્યો છે.

વળી ભક્તોના ઉત્સાહને જોતા મંદિરમાં દુર્વા પર ગણેશજીના ચિત્રો પણ અંકિત કરવામાં આવ્યા છે. દુર્વાના આ ઉપયોગના કારણે આખા મંદિકની અનોખી રોનક લાગતી હતી. અને આ સમગ્ર નજરા નયનરમ્ય હતો.

દર વખતની જેમ આ વખતે પણ ભગવાનને લીલા અને સફેદ રંગના કપડા પહેરાવવામાં આવ્યા છે. જો કે આ પહેરવેશમાં તેમની આભા ખૂબ જ સુંદર લાગતી હતી. અને ભક્તિ તેમના આ વેશને જોઇને અભિભૂત થયા હતા.

મંદિરના પુજારીએ જણાવ્યું કે કોરોરાના કારણે આ વખતે ભક્તોની ભીડ ઓછી છે. જિલ્લાના અલગ અલગ સ્થાનો પર નિવાસ કરતા મહારાષ્ટ્ર રાજ્યના પરિવારોની વચ્ચે આ પર્વને લઇને અનોખો ઉત્સાહ સામાન્ય રીતે જોવા મળતો હોય છે. વળી આ વખતે કોરોનાના કારણે અનેક જાણીતા પંડાલોએ તેમને ત્યાં ગણેશ સ્થાપના કરવાનું ટાળ્યું છે. બીજી તરફ સરકારે પણ કોરોનાના કારણે નિયમો કડક કર્યા છે.