Astrology: ડિસેમ્બરમાં આ ચાર ગ્રહોની બદલાશે દિશા, 5 રાશિનું બદલાશે નસીબ

વર્ષ 2021 હવે પૂર્ણ થવાને આરે છે અને આ દરમિયાન અમુક રાશિઓ (Zodiac Sign) જીવનના પાસાઓ પલટી શકે છે. કારણ કે ગ્રહોનું એક રાશિમાંથી બીજી રાશિમાં થતું પરીવર્તન (Change) તેમના જાતકો પર જરૂર અસર કરે છે. તમામ 12 રાશિઓની ઉપર ગ્રહોનું બીજી રાશિમાં પરીવર્તન થવાથી અને શુક્રની ઉલટી ચાલના કારણે સકારાત્મક (Positive) કે નકારાત્મક (Negative) પ્રભાવ જોવા મળી શકે છે. જ્યોતિષો (Astrology) અનુસાર આ મહીનામાં 4 મોટા ગ્રહોનું રાશિ પરીવર્તન થશે અને તેની તમારી રાશિ પર કેવી અસરો પડશે ચાલો નજર કરીએ.

સૌથી પહેલા 5 ડિસેમ્બરે મંગળે પોતાની સ્વરાશિ વૃશ્વિકમાં ગોચર કર્યું છે. 4 જાન્યુઆરી, 2022 સુધી મંગળ આ જ રાશિમા રહેશે અને આ દરમિયાન અનેક સમસ્યાઓનું સમાધાન કરશે. કારણ કે આ વર્ષના રાજા અને મંત્રી મંગળ છે.

8 ડિસેમ્બરે શુક્ર મકર રાશિમાં પ્રવેશ કરશે. શુક્રને લક્ઝરી લાઇફ, ફેશન, મનોરંજન વગેરેનો કારક માનવામાં આવે છે. 30 ડિસેમ્બર સુધી શુક્ર મકર રાશિમમાં રહેશે. મકર રાશિમાં શનિની સાથે શુક્ર હશે જે અતિ શુભ માનવામાં આવે છે. આ દરમિયાન શુક્ર પોતાના પ્રભાવને વધુ અસરકારક બનાવશે.

10 ડિસેમ્બરે બુધ ધન રાશિમાં ગોચર કરશે. બુધને ગ્રહોનો રાજકુમાર કહેવામાં આવે છે. તેને બિઝનેસ, લેખન, વાણી, ગણિત વગેરેનો કારક માનવામાં આવે છે. જ્યોતિષ વિદ્યા અનુસાર, 10 ડિસેમ્બરે સવારે 5.53 કલાકે બુધ પોતાની ચાલ બદલશે. 29 ડિસેમ્બર, 2021 સુધી આ રાશિમાં બુધ વિરાજમાન રહેશે.

16 ડિસેમ્બરે સૂર્ય પણ ધન રાશિમાં પોતાનું પલાયન કરશે. જ્યોતિષની દુનિયામાં સૂર્યનું રાશિ પરીવર્તન ખૂબ મહત્વનું માનવામાં આવ્યું છે. સુર્ય દેવ પોતાની મિત્ર રાશિ ધનમાં ગોચર કરશે. 14 જાન્યુઆરી, 2022 સુધી સૂર્ય ધનમાં વિરાજમાન રહેશે અને ત્યાર બાદ મકર રાશિમાં પ્રવેશ કરશે.

19 ડિસેમ્બર, 2022ના રોજ સાંજે 4.32 કલાકે શુક્ર પરત ફરશે, જે 29 જાન્યુઆર, 2022 સુધી રહેશે. જ્યારે 29 ડિસેમ્બરે બુધ પણ ધર્મમાંથી મકર રાશિમાં ગોચર કરશે. ત્યાર બાદ 30 ડિસેમ્બરે શુક્ર પરત ધન રાશિમાં આવશે.

મેષ રાશિ- આ રાશિના જાતકો માટે ડિસેમ્બર મહિનો ખૂબ શુભ અને ફળદાયી સાબિત થશે. લાભ ભાવમાં ગુરૂ ઉપસ્થિત રહેવાથી રાશિના લોકોને કરિયર અને વેપારમાં સફળ પરીણામ મળશે. મનોકામનાઓ પૂર્ણ થશે અને જૂના વિવાદો ઉકેલાવાથી નવા અવસરો ખુલશે.

મિથુન રાશિ- આ રાશિના જાતકોનો રસ આદ્યાત્મિક પ્રવૃત્તિઓ તરફ વધતો દેખાઇ રહ્યો છે. સાથે જ પ્રવાસનો યોગ બની શકે છે. વ્યક્તિના અંગત જીવન અને કાર્ય ક્ષેત્રમાં પરીસ્થિતિઓ પક્ષમાં રહેશે, જેમાં ભાગ્યનો સંપૂર્ણ સાથ મળી શકે છે. કોઇ પાસેથી બાકી રહેલા પૈસા પરત મળી શકે છે.

સિંહ રાશિ- સિંહ રાશિના જાતકોને વેપારમાં લાભ મળી શકે છે. પોતાના જીવનસાથીની સાથે ચાલી રહેલા વિવાદમાં પણ સુધાર આવી શકે છે. સમાજમાં માન-સન્માનની પ્રાપ્તિ થવાની સંભાવના છે.

ધન રાશિ- આ રાશિના જાતકો માટે આ મહિનો કામના કારણે થોડો વ્યસ્ત રહી શકે છે. જોકે, તમારા દ્વારા કરવામાં આવેલા કાર્યોનું પરીણામ તમારા હિતમાં જ રહેશે. પારિવારિક જીવનમાં પણ ખુશીઓ મળશે.

કુંભ રાશિ- તમને મહેનત અનુસાર શુભ પરીણામ મળી શકે છે. જો ક્યાંય પૈસાનું રોકાણ કર્યુ છે તો ત્યાંથી પણ લાભ મળવાની શક્યતાઓ છે. સાથે જ સંબંધીઓ પાસેથી પણ ધનનો લાભ મળી શકે છે.