Diwali 2022: ધનતેરસથી ભાઈ બીજ સુધી કરી લો આ કામ, આર્થિક તંગીમાંથી મળશે રાહત

હિન્દૂ ધર્મમાં દિવાળીના તહેવારને ખુબ શુભ માનવામાં આવે છે. આ દિવસે માતા લક્ષ્મીની વિધિવત પૂજા અર્ચના કરવામાં આવે છે. એવું માનવામાં આવે છે કે સમુદ્ર મંથનના સમયે કારતક કૃષ્ણ બરસે સમુદ્રમાંથી કામધેનુ, ત્રયોદશીના દિવસે ધન્વંતરિ, ચતુર્દશીના રોજ મહાકાળી અને અમાસના દિવસે મહાલક્ષ્મી પ્રકટ થઇ હતી.

દિવાળીના દિવસે અમાસ પર મહાલક્ષ્મીનું પૂજન કરવામાં આવે છે. ધનતેરસથી લઇ ભાઈ બીજ સુધી કયા ઉપાય કરવા જોઈએ. આ વિષય પર આપણને જણાવી રહ્યા છે ભોપાલના રહેવાસી જ્યોતિષી તેમજ પંડિત હિતેન્દ્ર કુમાર શર્મા.

મહાલક્ષ્મી પૂજા: કારતક માસની અમાસના દિવસે મહાલક્ષ્મીની પૂજા કરવામાં આવે છે અને એ જ દિવસે દિવાળીનો પવિત્ર તહેવાર ઉજવવામાં આવે છે. આ પાવન દિવસે વિધિવત માતા લક્ષ્મીની પૂજા અર્ચના કરવાથી તમામ મનોકામના પુરી થાય છે.

આ દિવસે ભગવાન ગણેશ, ભગવાન કુબેર સાથે માતા લક્ષ્મીની પૂજા અર્ચના કરવામાં આવે છે. આ વર્ષે 24 ઓક્ટોબર 2022 સોમવારના દિવસે મહાલક્ષ્મીની પૂજા કરવામાં આવે છે.

ધનતેરસના દિવસે પાંચ ગોમતી ચક્ર લઇ એમાં કેસર ચંદનથી શ્રી શ્રી શ્રી લખી માતા લક્ષ્મીની પૂજામાં સામેલ કરો અને એને ગોમતી ચક્ર સમક્ષ માતા લક્ષ્મીના મંત્રોનો વધુ વધુ ઉચ્ચાર કરો. ત્યાર પછી આ ગોમતી ચક્રોને પોતાના ધન સ્થાન પર મૂકી દો. માન્યતા અનુસાર આવું કરવાથી ધનની કમી થતી નથી.

ધનતેરસના દિવસે રાત્રે લક્ષ્મી બીજથી અભિમંત્રિત 21 ચોખાના દાણાને લાલ પોટલીમાં બાંધી એનું માતા લક્ષ્મી અને ભગવાન કુબેર સાથે પૂજન કરો એને તમારા ઘરના ધન સ્થાન પર રાખો. માન્યતા છે કે એવું કરવાથી આર્થિક સમૃદ્ધિ આવે છે અને વ્યક્તિને જીવનમાં ક્યારે પણ ધન હાનિ થતી નથી.

એવી માન્યતા છે કે ધનતેરસથી ભાઈ બીજ સુધી દરેક રાતે 11 પીળી કોળી લાલ કપડાંમાં રાખી શ્રી સૂક્ત જી પાઠ કરવો જોઇએ.

ત્યાર પછી આ કોળીને ઘરના ધન પર મૂકી દેવી જોઈએ. એવું કરવાથી વ્યક્તિને ક્યારે પણ ધન સબંધિત મુશ્કેલી થતી નથી સાથે જ આર્થિક સમસ્યાથી પણ છુટકારો મળે છે.