પ્રયાગરાજમાં 49 દિવસો સુધી ચાલનાર કુંભની મંગળવારે શરુઆત થઈ ગઈ છે. મકર સંક્રાતિના દિવસે કુંભમાં પ્રથમ શાહી સ્નાન દિવ્ય અને ભવ્ય રુપથી સંપન્ન થયું હતું. આ દરમિયાન કુંભ મેળામાં રામ મંદિરના નિર્માણ માટે 33 હજાર માટીના દીવા પ્રગટાવવામાં આવશે. સંત મોની મહારાજે કહ્યું હતું કે અમે એક મહિનામાં 11 લાખ દીવા પ્રગટાવીશું. અમે ઇચ્છીએ છીએ કે કુંભ પછી તરત રામ મંદિર નિર્માણ શરુ થઈ જાય.
અમેઠીના પરમહંસ સેવાશ્રમમાં સંત મૌની મહારાજે પ્રયાગરાજના કુંભ ક્ષેત્રમાં કલ્પવાસ માટે પહોંચ્યા છે. મકર સંક્રાતિ ઉપર રામ મંદિરની કામના સાથે શરુ થઈ રહેલા અનુષ્ઠાન વિશે મોની મહારાજે કહ્યું હતું કે મકર સંક્રાતિથી એક મહીના ચાર દિવસ સુધી કુંભમાં દરદોજ 33 હજાર દીવા પ્રગટાવવામાં આવશે.
આ સાથે દરરોજ 33 હજાર રુદ્રાક્ષથી બનેલ શિવલિંગ પર પૂજા અને દરરોજ મેળાના ક્ષેત્રમાં બનેલ ચક્ર કુંડમાં યજ્ઞ પણ થશે.
કુંભમાં લાખો શ્રદ્ધાળુ રથો-બગીઓ સાછે શાહી સ્નાન માટે પહોંચ્યા હતા. આ દરમિયાન સાધુ સંત, કમ્પ્યુટર બાબા પણ મેળામાં શાહી સ્નાન માટે જુલુસ સાથે પહોંચ્યા હતા.
14 જાન્યુઆરીની રાત્રીથી મકર સંક્રાંતિથીનું સ્નાન શરુ થઈ ગયું છે અને 15 જાન્યુઆરીની સાંજ સુધી લગભગ 2 કરોડથી વધારે શ્રદ્ધાળુએ ત્રિવેણી તટ પર સ્નાન કર્યું હતું.
મેળા પ્રશાસનના અપર અધિકારી શ્રી દિલીપ ત્રિગુણાયતે કહ્યું હતું કે પ્રશાસનની ચુસ્ત વ્યવસ્થાથી શ્રદ્ધાળુઓને ગંગા અને ત્રિવેણી તટ સુધી પહોંચવામાં પરેશાની થતી નથી. લગભગ 1700 વ્યક્તિઓને મેળાના ક્ષેત્રમાં પ્રથમ વખત સ્થાપિત ડિજીટાઇલેજ વ્યવસ્થાથી શોધી કાઢ્યા હતા.
