Budh Rashi Parivartan 2022: ગ્રહોના રાજકુમાર બુધ વૃષભ રાશિમાં કરશે ગોચર, આ 3 રાશિના લોકોનો થશે ભાગ્યોદય

Mercury Transit in Taurus 2022: વૈદિક જ્યોતિષમાં બુધ (Mercury)ને ગ્રહોનો રાજકુમાર માનવામાં આવે છે. તે મિથુન (Gemini) અને કન્યા રાશિ (Virgo)નો સ્વામી ગ્રહ છે. કુંડળીમાં બુધની મજબૂત સ્થિતિ વ્યક્તિને બુદ્ધિશાળી અને સફળ વેપારી બનાવે છે. આ ગ્રહ સૂર્ય દેવની સૌથી નજીક હોય છે.

બુધ કુંડળીમાં સંચાર ભાવ પર શાસન કરે છે. તે બિઝનેસ, બેન્કિંગ, નેટવર્કિંગ અને માર્કેટિંગ સંબંધિત ક્ષેત્રોનું પ્રતીક હોય છે. 25 એપ્રિલે બુધ શુક્ર દેવની રાશિ વૃષભ (Taurus)માં પ્રવેશ કરી રહ્યા છે. જાણો આ ગોચરથી કઈ રાશિના લોકોને લાભ પ્રાપ્ત થશે.

વૃષભ: બુધનું ગોચર તમારા માટે લાભદાયી સાબિત થશે. તમને દરેક ક્ષેત્રમાં સફળતા મળશે. તમારી આર્થિક સ્થિતિ પહેલા કરતા સારી રહેશે. જે લોકો નવું ઘર બનાવવા માંગે છે તેમના માટે આ સમયગાળો ઉત્તમ રહેશે. રોકાણ માટે પણ આ સમય સારો રહેશે. બુધની કૃપાથી તમને સમાજમાં નામ, પ્રસિદ્ધિ અને માન-સન્માન મળશે. કરિયરની દ્રષ્ટિએ નોકરી કરતા લોકોને સફળતા મળશે. બુધનું ગોચર તમને વેપારમાં સારો લાભ કરાવશે.

કર્કઃ બુધનું ગોચર તમારી આર્થિક બાબતો માટે શુભ સાબિત થશે. આવકમાં વધારો થવાની પ્રબળ સંભાવના છે. તમારી ઈચ્છાઓ પૂર્ણ થશે. આવકમાં સારી વૃદ્ધિ થવાની સંભાવના છે. તમે રોકાણથી સારું વળતર પણ મેળવી શકશો. લાંબા ગાળાનું રોકાણ કરવું તમારા માટે વધુ ફાયદાકારક રહેશે. સમાજમાં તમારી છબી મજબૂત રહેશે. સ્વાસ્થ્ય સારું રહેશે. જૂની બીમારીથી છુટકારો મળી શકે છે.

વૃશ્ચિક: તમારા માન-સન્માનમાં વધારો થશે. આ ગોચર પાર્ટનરશિપમાં કામ કરતા લોકો માટે સારું સાબિત થશે. નોકરી અને ધંધામાં લાભ મળવાની સંભાવના છે. આ ગોચર દરમિયાન તમને કેટલાક નવા વેપારીઓ સાથે સંપર્કમાં આવવાની તક મળશે. તમે ઘણા સ્રોતોમાંથી પૈસા અથવા અચાનક નફો મેળવશો.