Budh gochar 2023: આજે બુધનું મેષ રાશિમાં ગોચર, આ સાત રાશિના જાતકોને થશે બંપર લાભ

ગ્રહોના રાજકુમાર બુધને બુદ્ધ, તર્કશક્તિ, નિર્ણય ક્ષમતા વગેરેનો કારક માનવામાં આવે છે. બુધનું આજે 31 માર્ચે રાશિ પરિવર્તન થઇ રહ્યું છે. આજે બપોરે 3 વાગ્યાને 1 મિનિટ પર બુધનું ગોચર મેષ રાશિમાં થશે. બુધ ગ્રહ મેષ રાશિમાં 7 જૂને સાંજે 7 વાગ્યાને 58 મિનિટ સુધી રહેશે. ત્યાર પછી વૃષભ રાશિમાં ગોચર કરવા જઈ રહ્યો છે. બુધનું મેષ રાશિમાં ગોચર કરવાથી 7 રાશિના જાતકોને લાભ થવાનો છે. આજથી એમના સારા દિવસ શરુ થઇ શકે છે. એમના માટે નવી નોકરી, જોબ પ્રમોશન, બિઝનેસમાં લાભનો યોગ બની રહ્યો છે. શ્રી કલ્લાજી વૈદિક વિશ્વવિદ્યાલયના જ્યોતિષ વિભાગાધ્યક્ષ ડો. મૃત્યુંજય તિવારી પાસે જાણીએ છે મેષમાં બુધ ગોચરનો રાશિઓ પર સકારાત્મક પ્રભાવ.

મેષ: બુધ તમારી પોતાની રાશિમાં ગોચર કરી રહ્યો છે, તેથી મેષ રાશિના જાતકોને સકારાત્મક પરિણામો મળી શકે છે. તમને નવી નોકરી મળી શકે છે કારણ કે તમે લાંબા સમયથી શોધી રહ્યા છો. સમય સારો છે. તમને આર્થિક લાભ પણ થશે, જેના કારણે આર્થિક સ્થિતિ પહેલા કરતા સારી રહેશે. લોકો તમારાથી પ્રભાવિત થશે અને તમારું વ્યક્તિત્વમાં નિખાર આવશે.

મિથુન: બુધના રાશિ પરિવર્તનથી વેપારી લોકોને નવી તકો મળી શકે છે. વધુ લાભ કમાવવાની તક મળશે. આ સમયમાં કાર્યમાં સફળતા મળશે અને તેના કારણે કીર્તિ અને ખ્યાતિ પણ વધશે. શિક્ષણ સ્પર્ધા સાથે જોડાયેલા લોકો માટે સમય અનુકૂળ રહેશે.

કર્કઃ કર્મ ગૃહમાં બુધનું ગોચર તમને કાર્યક્ષેત્રમાં સફળતા અપાવશે. નોકરી કરતા લોકોના પદ અને પ્રતિષ્ઠામાં વધારો થઈ શકે છે. પરિવારની મહિલા તરફથી તમને નાણાકીય લાભ મળી શકે છે. આ સમયે તમારું મન ધાર્મિક કાર્યોમાં વ્યસ્ત રહેશે.

સિંહઃ બુધનું ગોચર તમારા માટે શુભ રહેશે. તમારી નાણાકીય સ્થિતિ મજબૂત રહેશે અને તમારું બેંક બેલેન્સ વધી શકે છે. નોકરીયાત લોકોને નોકરીમાં પ્રમોશન મળી શકે છે. તમારો પ્રભાવ વધશે, જેના કારણે તમારું કાર્ય સફળતાપૂર્વક પૂર્ણ થશે. તમારી વાણીનો પ્રભાવ લોકો પર પડશે.

મકરઃ બુધનું રાશિ પરિવર્તન તમારા માટે ફાયદાકારક રહેશે. સરકારી નોકરી કે કામ સાથે જોડાયેલા લોકોને ફાયદો થશે. તમારી કીર્તિમાં વધારો થશે. સહકર્મીઓ તરફથી પ્રશંસા અને પ્રોત્સાહન મળશે. ઘરમાં પૂજા પાઠનું આયોજન થઈ શકે છે. તમને કોઈ પૈતૃક સંપત્તિ મળી શકે છે.

કુંભ: બુધનું ગોચર વેપારીઓને સારું પરિણામ આપી શકે છે, પરંતુ વધુ મહેનત કરવી પડશે. તમને તમારા કામમાં ભાગ્યનો સાથ મળશે, જેના કારણે સફળતા મળશે. તમને વેપારમાં નવા રોકાણનો પ્રસ્તાવ મળી શકે છે. તીર્થયાત્રા પર જવાની સંભાવના છે.

મીનઃ બુધના કારણે તમારી વાણીનો પ્રભાવ વધશે. લોકો પ્રભાવિત થશે. જનસંપર્ક સાથે જોડાયેલા લોકોને ખ્યાતિ મળી શકે છે. કોઈ યોજનામાં મિત્રોનો સહયોગ મળી શકે છે. પારિવારિક જીવન સુખદ રહેશે, પરંતુ સભ્યો સાથે તાલમેલ જરૂરી છે.