કોરોના કાળમાં ગણપતિ બાપ્પાના વિસર્જનમાં શું આવ્યું પરિવર્તન? જુઓ Photos

સમગ્ર દેશ હાલમાં કોરોના સંકટ (Corona Crisis)નો સામનો કરી રહ્યો છે. કોરોનાના સંક્રમણને વધુ ફેલાવતો અટકાવવા માટે ગણપતિ બાપ્પાના સાર્વજનિક મહોત્સવનું આયોજન આ વર્ષે નથી કરવામાં આવ્યું. પરંતુ સમગ્ર દેશ અને ખાસ કરીને મહારાષ્ટ્ર (Maharashtra)માં ખૂબ જ ઉત્સાહ સાથે ઉજવાતા ગણેશ મહોત્સવ (Ganesha Mahotsav) દરમિયાન શ્રદ્ધાળુઓએ પોતાના ઘરે ગણપતિ બાપ્પાને બિરાજમાન કર્યા હતા. આ વખતના ગણપતિજીની મૂર્તિઓ અગાઉના વર્ષોથી નાની જોવા મળી અને ખાસ તો બાપ્પાના વિસર્જન (Ganapati Visarjan)માં કોવિડ-19ના કારણે મોટું પરિવર્તન જોવા મળ્યું. (Image: News18)

હૈદરાબાદમાં પણ ગણપતિ દાદાનું વિસર્જન હુસૈન સાગર લેકમાં કરવામાં આવ્યું પરંતુ સોશિયલ ડિસ્ટન્સિંગ અને કડક નિયમોનું અમલ કરવામાં આવ્યું. (Image: AP)

હૈદરાબાદમાં ગણપતિ બાપ્પાને વિસર્જન કરવા લઈ જતી વખતે બાળકે મોઢે માસ્ક પહેર્યું હતું. તે પોતાના બાપ્પાને વિસર્જન કરવા જઈ રહી છે. (Image: AP)

મુંબઈમાં કામચલાઉ પોન્ડ તૈયાર કરવામાં આવ્યા છે જેમાં શ્રદ્ધાળુઓ ગણપતિ બાપ્પાનું વિસર્જન કરી રહ્યા છે. (Image: News18)

હૈદરાબાદના હુસૈન સાગર લેકમાં ગણપતિ દાદાની મૂર્તિનું વિસર્જન કરી રહેલો શ્રદ્ધાળુ. (Image: AP)

દેશની આર્થિક રાજધાની મુંબઈમાં અનેક સ્થળે આર્ટિફિશિયલ પોન્ડ તૈયાર કરવામાં આવ્યા છે જેમાં ગણપતિનું વિસર્જન કરવામાં આવે છે. (Image: News18)

બાળકોને ગણપતિ દાદા સાથે ખાસ લગાવ હોય છે અને તેઓ પણ વિસર્જન દરમિયાન પરિવારની સાથે જોડાતાં હોય છે. (Image: AP)

ગણેશ ચતુર્થીથી લઈને દસ દિવસ સુધી ચાલતાં ગણેશ મહોત્સવમાં આ વર્ષે કોરોના વાયરસના સંકટના કારણે અનેક પ્રતિબંધો લાદવામાં આવ્યા છે. ભગવાનની મૂર્તિઓના વિસર્જનમાં પણ ખૂબ તકેદારી રાખવામાં આવી રહી છે. (Image: AP)