Akshaya Tritiya: આખાત્રીજ પર આ રાશિના લોકો પર રહેશે માતા લક્ષ્મીની વિશેષ કૃપા, જાણો કઈ છે આ રાશિઓ

Akshaya Tritiya 2022 Date And Time: અક્ષય તૃતીયા એટલે કે આખાત્રીજનો (Astrology) પવિત્ર તહેવાર દર વર્ષે વૈશાખ શુક્લ પક્ષની ત્રીજ તિથિએ ઉજવવામાં આવે છે. આ વર્ષે 3 મે 2022નાં રોજ આ તહેવાર આવે છે. આ દિવસખૂબ જ શુભ માનવામાં આવે છે. માન્યતાઓ અનુસાર આ દિવસે કરવામાં આવેલ દાન, સ્નાન, યજ્ઞ, જાપ વગેરે ખૂબ જ ફળદાયી હોય છે. ખાસ કરીને આ દિવસે સોનું ખરીદવાની પરંપરા છે. કહેવાય છે કે, અક્ષય તૃતીયાના દિવસે સોનું ખરીદવાથી વ્યક્તિના જીવન પર માતા લક્ષ્મીની કૃપા હંમેશા બની રહે છે. ત્યારે અમુક રાશિ માટે આ અક્ષય તૃતીયા ખૂબ જ શુભ સાબિત થવા જઈ રહી છે. જે અંગે અહી જાણકારી અપાઈ છે..

કર્ક રાશિ: આ રાશિના લોકો માટે આ અક્ષય તૃતીયા ખાસ સાબિત થશે. દરેક કાર્યમાં સુવર્ણ સફળતા જોવા મળી શકે છે. ભાગ્યનો પૂરો સાથ મળશે. નોકરીમાં પગાર વધારાની પ્રબળ શક્યતાઓ છે. તમે મુસાફરીથી સારા પૈસા કમાવવામાં પણ સફળ રહેશો. તમને આર્થિક સંકટમાંથી મુક્તિ મળશે

સિંહ રાશિઃ આ રાશિના લોકો પર માતા લક્ષ્મીના વિશેષ કૃપા રહેશે. ધન સંબંધી કોઈપણ કાર્યમાં સફળતા પ્રાપ્ત થશે. આ સાથે જ વેપાર અને નોકરી ક્ષેત્રે પણ પ્રગતિના માર્ગ ખુલતા દેખાય રહ્યાં છે. આ દિવસે સિંહ રાશિના લોકોએ મગની દાળનુ દાન કરવાથી તેમને વિશેષ સુખ અને સમૃધ્ધિની પ્રાપ્તિ થશે.

ધન રાશિ: આ રાશિના લોકો માટે અક્ષય તૃતીયાનો દિવસ શુભ સાબિત થશે. તમારું નસીબ સોનાની જેમ ચમકવાની પ્રબળ તકો દેખાઈ રહી છે. ભાગ્ય દરેક બાબતમાં તમારો સાથ આપશે. ઘર કે વાહન સુખની પ્રાપ્તિ થઈ શકે છે. માતા લક્ષ્મીની તમારા પર વિશેષ કૃપા રહેશે. સંપત્તિમાં જબરદસ્ત વૃદ્ધિ થવાની સંભાવના છે.

મકર રાશિ: અક્ષય તૃતીયા તમારા માટે પણ શુભ સાબિત થશે. કરિયરમાં જબરદસ્ત સફળતા મળવાની સંભાવના છે. જૂના વિવાદોનું સમાધાન થઈ શકે છે. ધન પક્ષ મજબૂત રહેશે. કોર્ટ કેસમાં પણ તમને સફળતા મળશે. દરેક કામમાં પરિવારના લોકોનો સહયોગ મળશે.

વૃષભ રાશિ: આ રાશિના લોકોના ધનમાં વૃદ્ધિ થવાની સંભાવના છે. મા લક્ષ્મીની તમારા પર વિશેષ કૃપા રહેશે. મોટી સિદ્ધિ મળતી જણાય છે. નવા કાર્યની શરૂઆત કરવા માટે સમય સારો છે. આ સમય દરમિયાન તમે પૈસા એકઠા કરવામાં પણ સફળ રહેશો. લાંબા સમયથી અટવાયેલા પૈસા મળી શકે છે.