શિવલિંગ પર ભૂલથી પણ ન ચઢાવતા આ 5 વસ્તુ, નોતરશો દુર્ભાગ્ય

ધર્મ ડેસ્ક: શ્રાવણ મહિનામાં ભગવાન ભોલેનાથને અતિપ્રિય એવા બિલિ પત્ર, દુધ, જળ, ચોખા તમામ ચઢાવવું. તેનાંથી ભગવાન શિવ પ્રસન્ન થાય છે. ભગવાન શિવને માત્ર એક લોટો જળ ચઢાવવામાં આવે તેમાં તે ખુશ થઇ જાય છે. પણ એવી પાંચ વસ્તુઓ છે જે ભગવાન શિવને અર્પણ થતી નથી. કહેવાય છે કે ભોલેનાથને આ પાંચ ચીજ ચઢાવવામાં આવે તો તે દુર્ભાગ્ય નોતરે છે.

તુલસીના પાન- જલંધર નામના અસુરની પત્ની વૃંદાના અંશથી તુલસીનો જન્મ થયો હતો. જેને ભગવાન વિષ્ણુએ પત્નીના રુપમાં સ્વીકાર કર્યો છે. આ કારણે તુલસીથી ક્યારેય પણ શિવજીની પૂજા થતી નથી.

તુટેલા ચોખા- ભગવાન શિવને અક્ષતઃ એટલે કે સંપૂર્ણ ચોખા અર્પણ કરવા જોઈએ. શાસ્ત્રોમાં લખ્યું છે કે તૂટેલા ચોખા અપૂર્ણ અને અશુદ્ધ ગણવામાં આવે છે. જેથી તે શિવ જીને ચડાવવા ન જોઈએ.

કુમકુમ- કુમકુમ સૌભાગ્યનું પ્રતિક છે. જ્યારે ભગવાન શિવ વૈરાગી છે. આ કારણે શિવજીને કુમકુમ ચડાવવામાં નથી આવતું.

હળદર- હળદરનો સંબંધ ભગવાન વિષ્ણુ અને સૌભાગ્યથી છે. આ કારણે તે ભગવાન શિવને અર્પણ કરવામાં આવતું નથી.

તલ- તલ ભગવાન વિષ્ણુના મેલથી ઉત્પન્ન થયેલું માનવામાં આવે છે. જેને ભગવાન શિવને અર્પિત કરવામાં આવતું નથી.