Monsoon Travel: વરસાદ બાદ સાપુતારાની સુંદરતા માણવા સહેલાણીઓનો ધસારો, જુઓ તસવીરો

કેતન પટેલ, ડાંગ: ગિરિમથક સાપુતારા (Saputara Hill station after monsoon) ખાતે ચોમાસાની (Gujarat monsoon) શરૂઆતમાં જ પ્રકૃતિ સોળે કળાએ ખીલી ઉઠતા જ શનિ રવિવારના વિકેન્ડ (weekend travel) માણવા પ્રવાસીઓનો હુજૂમ ઉમટી પડતા સરકારી ખાનગી હોટલોમાં હાઉસફુલના પાટિયા ઝૂલી ઉઠ્યા છે. જેના કારણે નાના મોટા ધંધાર્થીઓને બખ્ખા થઈ જવા પામ્યો હતો.      તો બીજી તરફ ડાંગ (Dang) વહીવટીતંત્રનાં નેજા હેઠળ ચાલુ નોટીફાઇડ વિસ્તારમાં અસંખ્ય હોટલ આવેલી હોય અને હોટલ સંચાલકો પ્રવાસીઓનો ગજવા ખંખેરી રહ્યા છે. 

કુદરતી સૌંદર્યથી તરબતર થતો રાજયનું એકમાત્ર ગિરિમથક સાપુતારા ખાતે ચોમાસાની શરૂઆત થતા જ પ્રકૃતિ શોળે શણગાર કરી ખીલી ઉઠતા પ્રવાસીઓની પહેલી પસંદ બની રહે છે.

લીલીછમ પર્વતમાળા અને નયનરમ્ય નજારાનું નજરાણું ધરાવતું સાપુતારામાં દિવસભર વાદળછાયું વાતાવરણમાં ઝરમર વરસાદી ઝાપટાં પ્રવાસીઓને આનંદ સ્ફુરે છે.

Gujarat Monsoon travel Dang Saputara - ગુજરાત ડાંગ સાપુતારા પ્રવાસ વરસાદ બાદ ફરવાની મઝાતો વળી ચારેય બાજુ ડુંગરોની હારમાળા વચ્ચે આવેલું સર્પગંગા સરોવરમાં નૌકાવીહારનો લ્હાવો લેવા લોકો પોતાનો વારો આવે તે માટે લાંબી કતારોમાં જોવા મળે છે.

જોકે સરકારી ખાનગી હોટલોમાં શનિ રવિવારે એડવાન્સ બુકીંગ થઈ જતું હોય આયોજન વગર સહપરિવાર સાથે આવેલ પ્રવાસીઓને ખાનગી બંગલા ધારકોએ  ઉઘાડી લૂંટ ચલાવી પ્રવાસીઓની મજબૂરીનો ભરપૂર લાભ ઉઠાવતા પ્રવાસીઓમાં નારાજગી પ્રવર્તી હતી.

હાલ પ્રવાસીઓ માટે સાપુતારા રહેવાને બદલે સાપુતારા ની મહારાષ્ટ્રની હદમાં આવેલ હઠગઢખાતે  રેહવા મજબૂર થવું પડે છે.

આ બાબતે સાપુતારા નોટિફાઇડ કચેરીમાં કાયમી ચીફ ઓફિસર ની જગ્યા ખાલી હોય ખાનગી બંગલા ધારકો બેફામ બની પ્રવાસીઓને ખંખેરતા હોવાની રાવ ઉઠવા પામી છે.

તેવામાં ડાંગ વહીવટી તંત્ર દ્વારા  સાપુતારાને પૈસા છાપવાની મશીન સમજી પ્રવાસીઓ પાસે વધુ ભાડું વસુલતા હોય તેની સામે ઘટતી કાર્યવાહી હાથ ધરે તે ઇચ્છનીય છે.