મોરબીઃ ટંકારામાં Friendship dayના દિવસે ત્રણ મિત્રોના એક સાથે નદીમાં ડૂબી જવાથી મોત

મોરબીઃ ફ્રેન્ડશીપ ડેના દિવસે જ (friendship day) મોરબી જિલ્લાના (Morbi news) ટંકારા નજીક એક કરુણ ઘટના બની હતી. અહીં ભીમનાથ મહાદેવ મંદિર (Bhimnath mahadev temple) પાસે નદીમાં ડૂબી જવાથી ત્રણ મિત્રોના મોત (three friend drowing) થયા હતા. ઘટનાની જાણ થતાં જ સમગ્ર વિસ્તારમાં અરેરાટી ફેલાઈ હતી. જ્યારે પરિવારજનો ઉપર આભ તૂટી પડ્યું હતું. ઘટનાની જાણ થતાં 108 એમ્બ્યુલન્સ અને ફાયરની ટીમ ઘટના સ્થળે દોડી આવી હતી. અને મૃતદેહોને બહાર કાઢ્યા હતા. પ્રાથમિક તપાસમાં જાણવા મળ્યા પ્રમાણે ત્રણે મિત્રો નદીમાં ન્હાવા પડ્યા હતા. જેમનું ડૂબી જવાથી મોત નીપજ્યું હતું.

ઘટના અંગે મળતી મોરબી શહેરમાં રહેતા 17 વર્ષીય રિશી ભાવેશભાઈ જોશી, સ્વયંમ જેઠાભાઈ નંદા અને 19 વર્ષીય દિપક દિનેશભાઈ હડિયાલ ટંકારા નજીક ભીમનાથ મહાદેવ મંદિર પાસે ફરવા ગયા હતા.

આ ત્રણેય મિત્રો પાસેથી પસાર થતી નદીમાં ન્હાવા પડ્યા હતા. જોકે, ત્રણે પાણીના ઉંડાણથી અજાણ હોવાથી નદીના પાણીડમાં ગરકાવ થયા હતા. જેના કારણે ત્રણે મિત્રોના ડૂબી જવાથી મોત નીપજ્યા હતા.

જોકે સ્થાનિક લોકોને જાણ થતાં ઘટનાની જાણ ફાયર વિભાગને કરી હતી. જેથી ફાયર વિભાગની ટીમ અને 108 એમ્બ્યુલન્સની ટીમ ઘટના સ્થળે પહોંચી હતી. હતી. ફાયરની ટીમના જવાનોએ ડૂબેલા ત્રણેય મિત્રોના મૃતદેહોને બહાર કાઢ્યા હતા. અને તાત્કાલિક સિવિલ હોસ્પિટલ ખસેડવામાં આવ્યા હતા.

ઘટનાની જાણ થતાં સ્થાનિક લોકોના ટોળા એકઠાં થયા હતા. અને પરિવારના સભ્યોને જાણ થતાં શોકમાં ડૂબી ગયા હતા. જવાનજોધ પુત્રોને ગુમાવતા પરિવાર ઉપર આભ તૂટી પડ્યું હતું.