રાજકોટઃ નશાના કાળા વેપલા સાથે જોડાયેલો ભાવેશ ઉર્ફે ચકો ઝડપાયો, માથાભારે સુધાને પાસા હેઠળ જેલમાં ધકેલી

રાજકોટઃ રાજકોટ (Rajkot news) સહિત સમગ્ર રાજ્યભરમા હાલ સ્થાનિક પોલીસથી માંડી ક્રાઈમ બ્રાંચ (crime branch), એસોજી (SOG) તેમજ એટીએસ (ATS) સહિતની એજન્સી દ્વારા હાલ ડ્રગ્સના કાળા કારોબારને (Drugs racket) નાથવા બાબતે કામગીરી કરવામા આવી રહી છે. ત્યારે રાજકોટ સ્પેશીયલ ઓપરેશન (Rajkot city SOG) ગ્રુપ દ્વારા નશાના કાળા કારોબાર સાથે જોડાયેલા વ્યક્તિને ઝડપી પાડવામા આવ્યો છે. જ્યારે કે બિ ડિવીઝન દ્વારા વર્ષોથી નશાના કાળા કારોબાર સાથે જોડાયેલી સુધા ધામેલીયા નામની ગુનાહિત પ્રવૃતિ સાથે જોડાયેલ મહિલાને પાસા હેઠળ કાર્યવાહી કર્યા બાદ વડોદરા જેલમા મોકલવામા આવી છે.

ન્યુઝ 18 ગુજરાતી સાથેની વાતચીતમા સ્પેશીયલ ઓપરેશન ગ્રુપના પીઆઈ રોહિત રાવલે જણાવ્યુ હતુ કે, પીએસઆઈ અસલમ અંસારી અને તેની ટીમના માણસોને બાતમી મળી હતી કે, કોઠારીયા સોલવન્ટ નજીક શિવમ સોસાયટીમા રહેતો ભાવેશ ઉર્ફે ચકો હીરાભાઈ સુરેલા નામના શખ્સે 8 કિલોની માત્રામા ગાંજાનો જથ્થો બોલેરોમા છુપાવીને રાખેલ છે.

જે બાબતની હકીકત મળતા સ્પેશીયલ ઓપરેશન ગ્રુપની ટીમ દ્વારા કોઠારીયા સોલવન્ટ નજીક ભાવેશ ઉર્ફ ચકાને બોલેરો સાથે અટકાવી તલાશી લેતાં તેની પાસેના થેલામાંથી આઠ કિલો ગાંજો મળી આવ્યો હતો. જે બાબતે રાજકોટ શહેરના આજીડેમ પોલીસ સ્ટેશનમાં એનડીપીએસ એકટ અંતર્ગત ગુનો દાખલ કરી ગાંજા તેમજ વાહન સાથે કુલ 4.80 લાખનો મુદ્દામાલ કબ્જે કરવામા આવયો છે.

આરોપીએ પોલીસની પ્રાથમિક પુછપરછમા ગાંજાનો જથ્થો સુરત ખાતેથી લાવ્યો હોવાની કબુલાત આપી છે. તેમજ અગાઉ પણ આરોપી ભાવેશ ઉર્ફે ચકો શાપર વેરાવળ ખાતે નશાના કાળા કારોબારમા ઝડપાઈ ચુક્યો હોવાનુ જાણવા મળ્યુ છે. ત્યારે આરોપીની વધુ પુછપરછ માટે તેને કોર્ટમા રિમાન્ડ અર્થે રજુ કરવામા આવશે.

ન્યુઝ 18 ગુજરાતી સાથેની વાતચીતમા બિ ડિવિઝન પોલીસ સ્ટેશનના પીઆઈ વાળાએ જણાવ્યુ હતુ કે, નશાના કાળા કારોબાર સાથે સંકળાયેલી સુધા ધામેલીયા વિરુધ્ધ પાસા એકટ હેઠળ કાર્યવાહી કરી તેને વડોદરા જેલ ખાતે માકલી આપવામા આવી છે.

અત્યાર સુધીમા સુધા ધામેલીયા વિરુધ્ધ બિ ડિવીઝન પોલીસ સ્ટેશનમા બે ગુના, પ્ર.નગર પોલીસ સ્ટેશનમા એક ગુનો, જ્યારે કે યુનિવર્સિટી પોલીસ સ્ટેશનમા બે ગુના દાખલ થવા પામેલ છે.