નાની, માતા-પિતા અને બહેનની હત્યા કર્યા બાદ પુત્ર મિત્રો સાથે પાર્ટી કરવા હોટલ પહોંચ્યો, એક કોળિયો પણ ના ખાઈ શક્યો

Rohtak Murder Case update: હરિયાણાના (Haryana news) રોહતકના (rohtak crime news) વિજયનગર કોલોનીમાં શુક્રવારે ચાર લોકોની હત્યાની ચોંકાવનારી (four family member murder case) ઘટના સામે આવી હતી. જોકે, આ ઘટનાનો ભેદ પોલીસે (police) ગણતરીના દિવસોમાં ઉકેલી દીધો હતો. આ સનસનીખેસ ઘટનામાં પોલીસે 20 વર્ષીય પુત્રની ધરપકડ (police arrested accuseds son) કરી હતી. જેણે પોતાની નાની, માતા-પિતા અને બહેનની હત્યા કરી હતી. પૂછપરછ દરમિયાન આરોપી પુત્રએ સમગ્ર ઘટના ઉપરથી પડદો ઉઠાવ્યો હતો. રોહતકના એસપી રાહુલ શર્માએ આ મામલે ખુલાસો કર્યો હતો.

પોલીસ પૂછપરછમાં આરોપી અભિષેક મોનૂએ જણાવ્યું કે ઘટના બાદ તે દોસ્તોની સાથે પાર્ટી કરવા માટે હોટલમાં ગયો હતો. દોસ્તોએ ખાવા-પીવાની અનેક આઈટમોનો ઓર્ડર આપ્યો હતો. પરંતુ તેનાથી એક કોળિયો પણ ખવાયો ન્હોતો.

પોલીસે આરોપીને કોર્ટમાં રજૂ કરીને 5 દિવસના રિમાન્ડ મંજૂર કરાવ્યા છે. રિમાન્ડ દરમિયાન પોલીસ આરોપી પાસેથી ઘટનામાં ઉપયોગમાં લેવાયેલા હથિયાર સહિતની કડીઓ અંગે જાણવાનો પ્રયત્ન કરશે.

અભિષેકે ખુલાસો કર્યો છે કે છેલ્લા કેટલાક દિવસથી પિતા સહિત પરિવાર પાસે 5 લાખ રૂપિયા માંગ્યા હતા. મોટી રકમની જરૂરત અંગેના કારણ જ્યારે પરિજનોએ પૂછ્યું હતું. ત્યારે તેણે ફી ભરવા માટે અને દોસ્તોને આપવા અંગેની વાત કરી હતી. અભિષેક અલગ અલગ બહાના બનાવીને વારંવાર ઘરમાંથી રૂપિાય માંગતો હતો.

પરિવારજનોએ પોતાના સ્તર ઉપર જાણવાનો પ્રયત્ન પણ કર્યો હતો. કે મોનૂને આટલા બધા રૂપિયાની કેમ જરૂર પડે છે. ત્યારે જાણવા મળ્યું કે મોનૂ ખાટા ધંધાઓ કરવા માટે આટલા રૂપિયા લેતો હતો.

પિતાએ ધમકાવ્યો ત્યારે બહેન અને માતાએ પણ કડક શબ્દોમાં સલાહ આપી હતી. આ ઉપરાંત નાનીએ પણ તેને સતત સમજાવવાનો પ્રયત્ન કર્યો હતો. 27 ઓગસ્ટે થયેલા હત્યાકાંડ પાછળ મોટું કારણ આ પણ હતું.

પોલીસે હત્યા પાછળનું અન્ય કારણ પણ જણાવ્યું હતું. પોલીસના મત પ્રમાણે પ્રોપર્ટીના વિવાદમાં પણ 20 વર્ષીય પુત્રએ નાની, માતા-પિતા અને બહેનને માથામાં ગોળી મારીને હત્યા કરી હતી. હત્યા કર્યા બાદ બે રૂમની બહાર લોક મારીને ફરાર થયો હતો.