Rohtak Murder Case: માતા-પિતા, બહેન અને નાનીની હત્યા કર્યા બાદ મિત્રો સાથે કરી પાર્ટી, ઇનસાઇડ સ્ટોરી

હરિયાણાનાં રોહતકનાં વિજય નગર કોલોનીમાં શુક્રવારે ચાર લોકોની હત્યાનો મામલો (Murder Case) પોલીસે ઉકેલી લીધો છે. 20 વર્ષનાં દીકરાએ જ તેનાં માતા-પિતા બહેન અને નાનીની હત્યા કરી હતી. આરોપી અભિષેક ઉર્ફ મોનૂની પોલીસે ધરપકડ (Arrest) કરી લીધી છે. પોલીસ પૂછપરછમાં આરોપી દીકરાએ હત્યાકાંડનું રહસ્ય ઉકેલ્યું છે. રોહતકનાં SP રાહુલ શર્માએ આ મામલે ઘણાં ખુલાસા કર્યા છે.

પોલીસ પૂછપરછમાં આરોપી અભિષેક મોનૂને જણાવ્યું હતું કે, ઘટના બાદ તે પાર્ટી કરવાં મિત્રો સાથે હોટલમાં ગયો હતો. મિત્રોની સાથે ખાવાં પીવાનું ખુબ બધુ ઓર્ડર કર્યો હતો, પણ તેનાંથી એક કોળીયો નહોતો ખવાયો.

પોલીસે આરોપીને કોર્ટમાં રજૂ કર્યાંનાં 5 દિવસ સુધી રિમાન્ડ પર લીધો હતો. રિમાન્ડ દરમિયાન પોલીસે આરોપીથી ક્રાઇમમાં વપરાયેલાં હથિયાર સહિત આખો મામલે જોડાયેલી કડીઓ જાણવાનો પ્રયાસ કર્યો હતો.

અભિષેકે ખુલાસો કર્યો હતો કે, તે ઘણાં દિવસોથી તેનાં પિતા સહિત પરિવારથી પાંચ લાખ રૂપિયા માંગી રહ્યો હતો. આટલી મોટી રકમ કેમ તેને જોઇએ છે તેમ કારણ પુછતાં અભિષેકે કહ્યું કે, ફી ભરવા અને મિત્રોને આપવા માટે તેને જોઇએ છે. અભિષેક જાત જાતનાં બહાના બનાવી વારંવાર ઘરે પૈસા માંગતો હતો. પરિવારજનોએ તેમનાં સ્તરે જાણવાનો પ્રયાસ કર્યો તો આખરે મોનૂને આટલાં રૂપિયાની જરૂર કેમ છે ત્યારે તેમને માલૂમ થયું કે મોનૂ આ રૂપિયાનો ખોટી રીતે ઉપયોગ કરી રહ્યો છે.

પિતાએ તેને વઢી કાઢ્યો તો બહેન અને માતાએ પણ કડક શબ્દોમાં તેને સલાહો આપી. નાનીએ પણ તેને સમજાવવાનો પ્રયાસ કર્યો હરતો. જે બાદ અભિષેકે 27 ઓગસ્ટનાં આ હત્યાકાંડને અંજામ આપ્યો હતો. પોલીસે પાંચ દિવસમાં આ હત્યાકાંડનો ભેદ ઉકેલી દીઇ કેસ ઉકેલી દીધો છે.