MS ધોનીના સંન્યાસ પહેલા પત્ની સાક્ષીની આ પોસ્ટ, જેમાં આપ્યો હતો વિદાયનો સંકેત

નવી દિલ્હીઃ મહેન્દ્ર સિંહ ધોનીએ આંતરરાષ્ટ્રીય ક્રિકેટને અલવિદા કહ્યું છે. શનિવારે સાંજે ઈસ્ટાગ્રામ પોસ્ટ થકી ધોનીએ સંન્યાસની જાહેરાત કરી હતી. જોકે, તેઓ આઈપીએલમાં રમતા દેખાશે. માહીની પત્ની સાક્ષીએ શનિવારે બે ઈસ્ટાગ્રામ પોસ્ટ કરી હતી. જેમાં તેમણે 'મેજર મિસિંગ' લખ્યું હતું. એવો કયાસ લગાવવામાં આવી રહ્યો છે કે સાક્ષીએ સત્તાવાર જાહેરાતના થોડા સમય પહેલા સન્યાસનો સંકેત આપ્યો હતો.

સાક્ષી ધોનીએ પોતાના ઈસ્ટાગ્રામ પોસ્ટમાં કેટલીક ગાડીઓની તસવીરો શેર કરી છે. જે નવી ગાડીઓ લાગી રહી છે. આ સાથે તેમણે મેજર મિસિંગ ધોની લખ્યું અને ગાડીઓનું સ્વાગત કર્યું હતું. ગાડીઓ અને બાઈક માટે માહીની દિવાનગી અંગે સૌ કોઈ જાણે છે.

આવી સ્થિતિમાં જ્યારે ધોનીએ ક્રિકેટને અલવિદા કહ્યું છે તો સૌ કોઈ આનો એવો ક્યાસ લગાવી રહ્યા છે કે સાક્ષીએ આ પોસ્ટ જ આનો સન્યાસનો સંકેત હતો. લોકડાઉન દરમિયાન સાક્ષીએ અનેક વખત પોતાના વીડિયો પોસ્ટ કર્યો છે. જેમાં મહેન્દ્ર સિંહ ધોની પોતાની પુત્રી જીવાની સાથે સમય પસાર કરતા દેખાય છે.

મહેન્દ્ર સિંહ ધોનીએ પોતાના ઈસ્ટાગ્રામ પોસ્ટમાં એક વીડિયો રજૂ કર્યો છે. જેમાં પોતાના આખા કરિયરની તસવીરો શેર કરી છે અને 'મેં પલ દો પલ કા શાયર હું' ગીત પણ બેકગ્રાઉન્ડમાં નાંખ્યું છે. એમએસ ધોનીએ પોતાના ઈસ્ટાગ્રામ પોસ્ટમાં લખ્યું છે કે 7.29 પીએમથી મને નિવૃત સમજો.

ઉલ્લેખનીય છે કે મહેન્દ્ર સિંહ ધોની આઈપીએલમાં રમતા દેખાશે. તેઓ ચેન્નાઈ માટે રવાના થઈ ગયા છે. અને ટૂંક સમયમાં આખી ટીમ સાથે યુએઈ માટે રવાના થશે. જ્યાં આઈપીએલનું આયોજન કરાયું છે.