IND vs AUS : મેચ પહેલા યુવરાજસિંહ આ ખેલાડીની બોલતી કરી બંધ!

આઈસીસી ક્રિકેટ વર્લ્ડ કપ (World Cup 2019)માં ભારત અને ઓસ્ટ્રેલિયાની મેચ પહેલા ઓસ્ટ્રેલિયાના પૂર્વ ખેલાડીઓ અને ટીમ ઇન્ડિયાના સ્ટાર પ્લેયર યુવરાજસિંહ વચ્ચે 'યુદ્ધ' છેડાયું છે.

ઓસ્ટ્રેલિયાના પૂર્વ ક્રિકેટર મૈથ્યૂ હેડને યુવરાજસિંહને ટ્વિટર પર ટેગ કરીને પડકાર ફેંક્યો હતો, યુવરાજસિંહે એવો જવાબ આપ્યો કે હેડનની બોલતી બંધ થઈ ગઈ હતી.

હેડને સ્ટાર સ્પોર્ટ્સનો એક પ્રોમો શેર કરતા યુવરાજસિંહને ટેગ કર્યો હતો, જેમાં ભારતનો એક સમર્થક બે કપ લઈને ખુશીથી નાચી રહ્યો હતો. શ્રીલંકા, દક્ષિણ આફ્રિકા, પાકિસ્તાન, ઇંગ્લેન્ડ, ન્યૂઝીલેન્ડ, બાંગ્લાદેશ અને અફઘાનિસ્તાનના ચાહકો ઉદાસ થઈને તેને નિહાળી રહ્યા હતા. ત્યારે જ ઓસ્ટ્રેલિયાનો એક સમર્થક પાંચ કપ લઈને નાચતો નજરે પડે છે. તે ભારતીય પ્રશંસકોને તીરછી નજરે નિહાળે છે. તેની આવી હકતથી પાકિસ્તાન સહિત અન્ય ટીમના પ્રશંસકો પણ ખુશ થાય છે. આ વીડિયો શેર કરતા હેડને યુવરાજસિંહને ટેગ કરીને લખ્યું કે શું તેણે આ વીડિયો જોયો છે? 9 જૂનના રોજ મળીએ છીએ.

યુવરાજસિંહે હેડનને જવાબ આપતા લખ્યું કે, 'આ પાંચ કપ દેખાડવાનું બંધ કરો, હેડન. એટલું જાણી લો કે 9 જૂનના રોજ અમારા બે જ તમારા પાંચ પર ભારે પડશે.'

યુવરાજસિંહના આકરા જવાબ બાદ હેડનની બોલતી બંધ થઈ ગઈ હતી. નોંધનીય છે કે નવમી જૂનના રોજ ICC ક્રિકેટ વર્લ્ડ કપમાં ટીમ ઇન્ડિયાનો સામનો પાંચ વાર વર્લ્ડ ચેમ્પિયન રહેલા ઓસ્ટ્રેલિયા સાથે થશે.