સચિન તેંડુલકરને તમે ઓળખતા જ હશો, પરંતુ શું તમે તેના પુત્ર અર્જુન અંગે રસપ્રદ માહિતી જાણો છો? તાજેતરમાં જ સચિનના પુત્ર અર્જુનની ભારતના અંડર-19 ક્રિકેટ ટીમમાં પસંદગી થઈ છે. જુલાઇમાં શ્રીલંકામાં યોજાનાર મેચ માટે ટીમમાં તેની પસંદગી કરવામાં આવી છે. તો અર્જુન તેંડુલકર વિશે રસપ્રદ માહિતી મેળવીએ.
ફાસ્ટ બોલરઃ અર્જુન તેંડુલકર ડાબા હાથેથી બોલિંગ અને બેટિંગ કરે છે. તેના કોચના જણાવ્યા પ્રમાણે તે 135 Kmphની ઝડપે બોલિંગ કરી શકે છે. આ વર્ષે ધર્મશાળા ખાતે અંડર-19ના 25 ખેલાડીઓ માટે યોજાયેલા કેમ્પનો તે સભ્ય રહ્યો હતો.
આંતરરાષ્ટ્રીય ક્રિકેટરોને બોલ્ડ કર્યા: તાજેતરમાં એક વીડિયો સામે આવ્યો હતો જેમાં વાનખેડેમાં નેટ પ્રેક્ટિસ દરમિયાન અર્જુન ભારતીય ટીમના કેપ્ટન વિરાટ કોહલીને બોલ્ડ કરતો નજરે પડે છે. આ ઉપરાંત અર્જુન તેંડુલકર મહિલા વિશ્વ કપની ફાઇલન પહેલા તેની સામે બોલિંગ કરી ચુક્યો છે. 2015માં તે એક્ઝિબિશન મેચમાં બ્રાઇન લારાને આઉટ કરી ચુક્યો છે.
સતત પસંદગીઃ ગયા વર્ષે અર્જુનની મુંબઈ અંડર-19 ટીમ માટે પસંદગી કરવામાં આવી હતી. તે અંડર-14, અંડર-16 અનં અંડર-19માં મુંબઈની ટીમે રિપ્રેઝેન્ટ કરતો રહ્યો છે. 2017-18માં કૂચ બહાર ટ્રોફીમાં અર્જુને પાંચ મેચમાં 19 વિકેટ ઝડપી હતી.
પ્રભાવશાળી રમતઃ અર્જુન અનેક રાષ્ટ્રીય અને આંતરરાષ્ટ્રીય ક્લબનો ભાગ બની ચુક્યો છે. થોડા વર્ષો પહેલા તે ઇંગ્લેન્ડના પ્રવાસ દરમિયાન પાકિસ્તાનના ફાસ્ટ બોલર વસીમ અકરમને મળ્યો હતો. આ સમયે વસીમ અકરમ અર્જુનની બોલિંગથી ખૂબ જ પ્રભાવિત થયો હતો. તેણે અર્જુન સાથે થોડો સમય પણ વીતાવ્યો હતો.
હેરિશ શિલ્ડથી ક્રિકેટમાં ડેબ્યૂઃ અર્જુન તેંડુલકરે 2011ના વર્ષમાં હેરિશ શિલ્પ ટૂર્નામેન્ટમાંથી ક્રિકેટમાં ડેબ્યૂ કર્યું હતું. આ જ ટૂર્નામેન્ટમાં સચિન તેંડુલકરે વિનોદ કાંબલીએ 664 રનની ભાગીદારી નોંધાવી હતી. જોકે, આ મેચમાં અર્જુન બેટ્સમેન તરીકે નિષ્ફળ રહ્યો હતો પરંતુ તેણે આઠ વિકેટ ઝડપીને તેની ટીમને વિજેતા બનાવી હતી.
પ્રથમ સદીઃ સચિન અને સદી બંને એકબીજાના પર્યાય નામ છે. અર્જુન તેંડુલકરે 13 વર્ષની ઉંમરે તેની પ્રથમ સદી ફટકારી હતી. અર્જુન એમસીએ માટે અંડર-14 ટૂર્નામેન્ટ રમી રહ્યો હતો. આ મેચમાં ડાબેરી બેટ્સમેન એવા અર્જુને 124 રન ફટકાર્યા હતા, જેમાં 14 ફોર અને એક સિક્સનો સમાવેશ થાય છે.
