ટીમ ઈન્ડીયાની ટી-20 ટ્રાઈ સીરિઝની ફાઈનલમાં એન્ટ્રી, બન્યા આ મોટા રેકોર્ડ

ટીમ ઈન્ડીયાએ કોલંબોમાં રમવામાં આવેલ પાંચમી મેચમાં બાંગ્લાદેશને 17 રનથી હરાવી દીધી છે. ભારતીય ટીમે પહેલા બેટિંગ કરીને 20 ઓવરમાં 3 વિકેટના નુકશાને 176 રન બનાવ્યા. જવાબમાં બાંગ્લાદેશી ટીમ 159 રન જ બનાવી શકી અને મેચ હારી ગઈ. ટીમ ઈન્ડીયા આ મેચ જીતતાની સાથે ટ્રાઈ સીરિઝની ફાઈનલમાં પહોંચી ગઈ છે. આ મેચ દરમ્યાન ટીમ ઈન્ડીયાએ કેટલાક રેકોર્ડ પણ બનાવ્યા.

ટીમ ઈન્ડીયાની બાંગ્લાદેશ સામે સળંગ આ 7મી જીત છે. બાંગ્લાદેશ આજદીન સુધી ક્યારે પણ ટીમ ઈન્ડીયાને ટી-20 મેચ નથી હરાવી શક્યું. કોઈ પણ ટીમ સામે એક પમ મેચ હાર્યા વગર 9 જીત મેલવવાનો રેકોર્ડ પાકિસ્તાનના નામે છે. આ જીત પાકિસ્તાને ઝિમ્બાબ્વે સામે મેળવી હતી.

ભારતે ટી-20માં 60 વખત જીત મેળવી છે. સૌથી વધારે જીત મેળવવાને મામલે સાઉથ આફ્રિકાની બરાબરી કરી લીધી છે. સૌથી વધારે ટી-20 મેચ જીતવાનો રેકોર્ડ પણ પાકિસ્તાનના નામે છે. તેણે 74 મેચ જીતી છે.

વોશિંગ્ટન સુંદરે બાંગ્લાદેશ વિરુદ્ધ 3 વિકેટ ઝડપી. આ તેની ટી-20 કરિયરનું શ્રેષ્ઠ પ્રદર્શન છે. એક મેચમાં ત્રણ વિકેટ લેનાર તે ભારતીય ટીમનો સૌથી યુવા ખેલાડી બની ગયો છે. વોશિંગ્ટનની ઉંમર માત્ર હજુ 18 વર્ષ અને 160 દિવસની છે.

ટીમ ઈન્ડીયા કપ્તાન રોહિત શર્માએ બાંગ્લાદેશ વિરુદ્ધ 61 બોલમાં 89 રન બનાવ્યા. આ કોઈ પણ ભારતીય કપ્તાનનો વિદેશની ધરતી પર સૌથી મોટો ટી-20 સ્કોર છે. રોહિતને આ પારી માટે મેન ઓફ ધ મેચ પણ પસંદ કરવામાં આવ્યો છે.

ટીમ ઈન્ડીયાની જીત સાથે સાથે એક નાપસંદ રેકોર્ડ પણ બન્યો છે. ફાસ્ટ બોલર મોહમ્મદ સિરાજે આ મેચમાં 50 રન આપ્યા. આ સાથે તે કરિયરનો પહેલો 3 ટી-20 મેચમાં સૌથી વધારે રન લૂંટાવનાર બોલર બની ગયો છે. સિરાજે પહેલી 3 ટી-20માં 148 રન આપ્યા છે. આ પહેલા નાપસંદ રેકોર્ડ એડમ મિલ્નેના નામે હતો, તેણે 3 ટી-20માં 130 રન આપ્યા હતા.