Omicron: ઓમિક્રોનનો BA.2 વેરિએન્ટ મચાવી રહ્યો છે તબાહી, એક મહિનામાં વિશ્વમાં 86 ટકા કેસ

WHOએ પોતાના એક રિપોર્ટમાં આ જાણકારી આપી છે. તેના અહેવાલમાં, તેણે કહ્યું છે કે 16 ફેબ્રુઆરીથી 17 માર્ચની વચ્ચે, વિશ્વના કુલ કેસમાંથી 13 ટકા કેસ અગાઉના BA.1 અને BA.1.1ના હતા.

વર્લ્ડ હેલ્થ ઓર્ગેનાઈઝેશને કહ્યું છે કે ઓમિક્રોનનું BA.2 વેરિઅન્ટ પહેલેથી જ યુએસમાં વધી રહ્યું છે. આ સાથે, 2021 ના ​​અંતથી, આ વેરિઅન્ટના કેસ સમગ્ર વિશ્વમાં વધી રહ્યા છે. તે આફ્રિકા, એશિયા, યુરોપ અને ગલ્ફ દેશોમાં જોવા મળી રહ્યું છે.

અગાઉ 8 માર્ચે, જ્યારે WHO એ રિપોર્ટ બહાર પાડ્યો હતો, ત્યારે તેણે કહ્યું હતું કે BA.1.1 વેરિઅન્ટ તે સમયે સમગ્ર વિશ્વમાં સૌથી વધુ વ્યાપક હતું અને પછી BA.2 ના કેસ 34 ટકા હતા.

WHO ની કોવિડ 19 ટેકનિકલ ટીમના વડા ડૉ. મારિયા વાન કારખોવ કહે છે કે આ સમયે પણ અમારી કોરોના રસી સકારાત્મક રીતે કામ કરી રહી છે. આ રસીઓ ગંભીર કેસ અને મૃત્યુને રોકવા માટે મહત્વપૂર્ણ છે. રસીઓ BA.1 અને BA.2 પર પણ અસરકારક છે.

વૈજ્ઞાનિકોનું કહેવું છે કે BA.2 વેરિઅન્ટના કેસમાં ઝડપથી વધારો થવાનું કારણ તેના અલગ-અલગ પ્રકારનું મ્યુટેશન છે. તેમાં આઠ મ્યુટેશન મળી આવ્યા હતા, જે BA.1માં ન હતા.