ક્રિસ ગેઈલનો કોરોના રિપોર્ટ આવ્યો સામે, યૂસેન બોલ્ટ સાથે પાર્ટીમાં થયો હતો સામેલ

નવી દિલ્હી : આઈપીએલમાં (IPL)કિંગ્સ ઇલેવન પંજાબ (Kings XI Punjab)તરફથી રમનાર વેસ્ટ ઇન્ડીઝના દિગ્ગજ બેટ્સમેન ક્રિસ ગેઇલ (Chris Gayle)નો કોરોના વાયરસનો (Coronavirus)ટેસ્ટનો રિપોર્ટ નેગેટિવ આવ્યો છે. ગેઈલ યુસેન બોલ્ટની જન્મ દિવસ પાર્ટીમાં સામેલ થયો હતો. બોલ્ટનો (Usain Bolt)રિપોર્ટ પોઝિટિવ આવ્યો હતો.

ક્રિસ ગેઈલે સોશિયલ મીડિયા પ્લેટફોર્મ પર આ વિશે જાણકારી આપી હતી. તેણે ઇંસ્ટાગ્રામ પર વીડિયો શેર કર્યો હતો અને જણાવ્યું હતું કે તેનો ટેસ્ટ રિપોર્ટ નેગેટિવ આવ્યો છે. ગેઇલે કહ્યું કે તેણે આઈપીએલ માટે રવાના થતા પહેલા બે વખત કોરોના ટેસ્ટ કરાવ્યો છે.

સ્ટાર એથ્લેટ યુસેન બોલ્ટે મહેમાનો સાથે પોતાના જન્મ દિવસ પ્રસંગે એક મોટી પાર્ટીનું આયોજન કર્યું હતું. બોલ્ટે પાર્ટી પછી કોરોના રિપોર્ટની તપાસ કરાવી હતી, જેમાં તેનો રિપોર્ટ પોઝિટિવ આવ્યો હતો. બોલ્ટની પાર્ટીમાં ક્રિકેટર ક્રિસ ગેઈલ સિવાય ફૂટબોલર રહીમ સ્ટર્લિંગ અને લિયોન બેલી સામેલ હતા. જોકે બોલ્ટ પુરી રીતે ઠીક થઈ ગયો છે અને હાલ સેલ્ફ ઓઇસોલેશન પર છે.

આઈપીએલમાં ગેઈલે પોતાને યુનિવર્સલ બોસ સાબિત કર્યો છે. ભલે છેલ્લી કેટલીક સિઝનમાં તેનું બેટ શાંત રહ્યું હોય પણ જ્યારે-જ્યારે તેનું બેટ ચાલ્યું છે ત્યારે બોલરોને દિવસે તારા બતાવી દીધા છે. આઈપીએલમાં ઇતિહાસની સૌથી મોટી ઇનિંગ્સ રમવાનો રેકોર્ડ પણ ગેઈલના નામે છે. ગેઈલે અણનમ 175 રનની ઇનિંગ્સ રમી હતી.