COVID-19 in India: દેશમાં 125 દિવસ બાદ સૌથી ઓછા કોરોના કેસ, 24 કલાકમાં 30,093 લોકો થયા સંક્રમિત

Covid-19 in India, 20 July 2021: ભારતમાં કોરોના વાયરસ (Coronavirus) મામલે રાહતના સમાચાર આવ્યા છે. 125 દિવસ બાદ દેશમાં સંક્રમિત થનારા દર્દીઓની સંખ્યા સૌથી ઓછી (India Corona Cases) નોંધાઈ છે. આ ઉપરાંત 24 કલાકમાં 400થી ઓછા લોકોએ કોરોનાના કારણે જીવ ગુમાવ્યા છે. એક દિવસનો મૃત્યુઆંક 111 દિવસ પછી સૌથી ઓછો નોંધાયો છે. નોંધનીય બાબત છે કે 16 દિવસમાં સોમવારે સૌથી વધુ કોરોના વેક્સીન (Covid Vaccination)ના ડોઝ આપવામાં આવ્યા છે. (પ્રતીકાત્મક તસવીર)

સ્વાસ્થ્ય મંત્રાલયે મંગળવાર સવારે જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 30,093 નવા (Corona Positive Cases) પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 374 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 3,11,74,322 થઈ ગઈ છે. બીજી તરફ, દેશમાં કુલ 41,18,46,401 લોકોને કોરોના વેક્સીન (Corona Vaccine)ના ડોઝ આપવામાં આવ્યા છે. એક દિવસમાં 52.67 લાખ લોકોને રસી આપવામાં આવી છે. (પ્રતીકાત્મક તસવીર)

કોરોના વાયરસ મહામારી (Coronavirus Pandemic) સામે લડીને 3 કરોડ 3 લાખ 53 હજાર 710 લોકો સાજા પણ થઇ ચૂક્યા છે. 24 કલાકમાં 45,254 દર્દીઓને ડિસ્ચાર્જ કરવામાં આવ્યા છે. હાલમાં 4,06,130 એક્ટિવ કેસ છે. બીજી તરફ, અત્યાર સુધીમાં કુલ 4,14,482 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)

ઈન્ડિયન કાઉન્સિલ ઓફ મેડિકલ રિસર્ચ (ICMR)એ જાહેર કરેલા આંકડાઓ મુજબ, 19 જુલાઈ, 2021 સુધીમાં ભારતમાં કુલ 44,73,41,133 કોરોના સેમ્પલનું ટેસ્ટિંગ કરવામાં આવ્યું છે. સોમવારના 24 કલાકમાં 17,92,336 સેમ્પલનું ટેસ્ટિંગ કરવામાં આવ્યું છે. (પ્રતીકાત્મક તસવીર)

ગુજરાત (Gujarat)માં છેલ્લા 24 કલાકમાં કોરોના વાયરસના નવા 24 કેસ નોંધાયા છે. જેની સામે 74 દર્દીઓ સાજા થયા છે. છેલ્લા 24 કલાકમાં રાજ્યમાં કોવિડ-19 (Covid19)ના કારણે એક પણ દર્દીનું મોત થયું નથી. રાજ્યમાં કુલ મૃત્યુઆંક 10076 થયો છે. રાજ્યમાં સાજા થવાનો દર 98.72 ટકા છે. (પ્રતીકાત્મક તસવીર)

ગુજરાતમાં અત્યાર સુધીમાં 2,97,34,5497 ડોઝ કોરોના વેક્સીનના (Corona Vaccine)આપવામાં આવ્યા છે. આજે કુલ 3,92,953 વ્યક્તિઓનું રસીકરણ થયું છે. રાજ્યમાં આજે સૌથી વધુ અમદાવાદ શહેરમાં 41,137 વ્યક્તિને રસી આપવામાં આવી છે. (પ્રતીકાત્મક તસવીર)

રાજ્યમાં હાલમાં કોરોના વાયરસના ફક્ત 443 એક્ટિવ કેસ છે જ્યારે આ પૈકીના 6 દર્દીઓ વેન્ટિલેટર પર છે. અત્યારસુધીમાં રાજ્યમાંથી કુલ 8,13,998 દર્દીઓ ડિસ્ચાર્જ થયા છે જ્યારે કુલ મૃત્યુઆંક 10076 છે. (પ્રતીકાત્મક તસવીર)