#Photos : ચીનમાં 5 મહિના પછી ખુલ્યા થિયેટર, આ રીતે કરવામાં આવી બેસવાની વ્યવસ્થા

કોરોના વાયરસની શરૂઆત જે દેશનાં થઇ હતી તેવા ચીનમાં હવે 5 થિયેટર ખોલવામાં આવ્યા છે. જ્યાં દુનિયાભરના થિયેટરો, મુવી હોલ કોરોના વાયરસના પ્રકોપના કારણે બંધ છે ત્યાં હવે ચીનના બીજિંગમાં થિયેટરોના પાછા ખોલવામાં આવ્યા છે. અને આમ થતા જ મોટી સંખ્યામાં લોકો પણ અહીં થિયેટર જોવા ઉમટી પડ્યા છે. ઉલ્લેખનીય છે કે ભારત સમેત અનેક દેશોએ લોકડાઉનમાં તો હળવાશ આપી છે પણ થિયેટરો પર હજી પણ તાળા લાગેલા જ છે. અનેક લોકોના મનમાં તો તે સવાલ ઊભો થતો હશે કે છેલ્લે તેઓ થિયેટરમાં ક્યારે ગયા હતા? ત્યારે ચીનમાં આજથી ફિલ્મો જોવા માટે થિયેટર ખોલવામાં આવ્યા છે. કોરોના વાયરસ સંક્રમણ શરૂ થયા પછી અહીં સોશિયલ ડિસ્ટસિંગ સાથે થિયેટર ખોલવામાં આવ્યા છે.

કોવિડ 19ના સંક્રમણના કારણે દુનિયાભરમાં સ્કૂલ, મોટો મોલ અને ખાસ કરીને સિનેમાહોલ બંધ કરવામાં આવ્યા છે. ચીનમાં પણ પાંચ મહિનાથી સિનેમાહોલ બંધ હતા. પણ હવે 20 જુલાઇથી તેને દર્શકો માટે ખોલી દેવામાં આવ્યા છે.

ચીન સિનેમાહોલમાં આ દરમિયાન તમામ દર્શકોને ફરજીયાત માસ્ક પહેરવાનો આદેશ આપવામાં આવ્યો હતો. અને સાથે જ સોશિયલ ડિસ્ટેંસિંગ પર પણ ખૂબ ધ્યાન રાખવામાં આવ્યું હતું. જો કે તેમ છતાં લાંબા સમયે થિયેટરો ખુલતા લોકો ખૂબ જ ઉત્સાહી હતી.

ચીનમાં હાલ હાંગઝાઉ અને ચાંગ્શા પ્રાંતમાં જ થિયેટર ખોલવાની છૂટ મળી છે કારણ કે આ બંને ક્ષેત્રમાં કોરોના વાયરસના સંક્રમણના સૌથી ઓછા કેસ જોવા મળ્યા છે.

વળી લોકો સોશિયલ ડિસ્ટેસિંગ રાખે તે માટે એક સીટ છોડી બીજી સીટની વચ્ચે મોટા સોફ્ટટોય પણ રાખવામાં આવ્યા હતા. ઉપરોક્ત તમામ તસવીરો @CGTNના ઓફિશ્યલ ટ્વિટર એકાઉન્ટ પરથી લેવામાં આવી છે.