TAT-HMATના પ્રમાણપત્રોની મુદ્દતમાં વધારો, શિક્ષણમંત્રી જીતુ વાઘાણીની મોટી જાહેરાત

TAT-HMAT Certificate: રાજ્યમાં શિક્ષકો અને આચાર્યો માટે લેવાતી અભિરૂચી કસોટી પ્રમાણપત્રોની મુદ્દતમાં વધારો કરવામાં આવ્યો છે. રાજ્યના શિક્ષણ મંત્રી જીતુ વાઘાણી (Jitu Vaghani)એ આ અંગે ટ્વીટ કરી અને મોટા સમાચાર આપ્યા છે. જીતુ વાઘાણી શિક્ષક અભિરૂચી કસોટી (TAT) અને આચાર્ય અભિરૂચી કસોટી (HMAT)ના પ્રમાણપત્રોની મુદ્દત અંગે એક મહત્ત્વપૂર્ણ ટ્વીટ કર્યુ છે.

<br />આ ટ્વીટ મુજબ શિક્ષક અભિરૂચી કસોટી (TAT) અને આચાર્ય અભિરૂચી કસોટી (HMAT)ના પ્રમાણપત્રોની મુદ્દત જે 5 વર્ષની હતી તેને નેશનલ કાઉન્સિલ ઓફ ટીચર્સ એજ્યુકેશન (NCTE)ના પરિપત્રથી રાષ્ટ્રીય શિક્ષણ નીતિ -2022માં સૂચવલ્યા મુજબ TAT અને HMAT ના નવા નિયમો અમલમાં આવે ત્યાં સુધી માન્ય રાખવા મંજૂરી આપવામાં આવે છે.

TAT અને HMATના પ્રમાણપત્રોની મુદ્દતમાં વધારો થતા અનેક શિક્ષકો અને આચાર્ય થવા માંગતા ઉમેદવારો માટે રાહત મળશે. TAT પાસ ઉમેદવારો શિક્ષણમંત્રી માટે રજૂઆત કરી રહ્યા હતા. રાજ્યની શાળાઓમાં શિક્ષકોની ઘટ છે તે તાત્કાલિક ભરવામાં આવે તો આનો ફાયદો મળી શકે છે.

જીતુ વાઘાણીએ અન્ય જાહેરાતમાં જણાવ્યું કે જૂન-2022થી શરૂ થતાં શૈક્ષણિક વર્ષ માટે સરકારી અને અનુદાનિત શાળાઓ,આશ્રમ શાળાઓ,એકલવ્ય મોડેલ સ્કુલો,આદર્શ નિવાસી શાળાઓમાં અભ્યાસ કરતા ધો. 9 થી 12ના 20,38,161 વિદ્યાર્થીઓને સરકારની વિનામૂલ્યે પાઠ્યપુસ્તક યોજના હેઠળ 1,84,82,660 પુસ્તકો સમયસર મળી રહે તે માટે શાળાઓ સુધી મોકલી અપાયા છે. પ્રતિકાત્મક તસવીર

જ્યારે રાજ્યની સરકારી,અનુદાનિત,મોડેલ સ્કુલ,આશ્રમ શાળા અને કે.જી.બી.વી. પ્રાથમિક શાળાઓના ધોરણ 1 થી 8માં અભ્યાસ કરતાં વિદ્યાર્થીઓને વિનામૂલ્યે પાઠ્યપુસ્તક યોજના હેઠળ પુસ્તકો પુરા પાડવા માટે પુસ્તકોના છાપકામ અને વિતરણની કામગીરી હાલ ચાલુ છે.