PSI Exam: PSIની લેખિત પરીક્ષાના પરિણામની ઘડીઓ નજીક, જાણો કેટલા સમયમાં આવી શકે છે રિઝલ્ટ

PSI Exam Result: રાજ્યમાં 06 માર્ચના રોજ પીએસઆઈ ભરતીની લેખિત પરીક્ષાઓ લેવામાં આવી હતી (PSI Recruitment Exam) આ પરીક્ષાનું પરિણામ (PSI Exam Result) હવે ગમે તે ઘડીએ જાહેર થઈ શકે છે. પીએસઆઈ ભરતી બોર્ડના વડા વિકાસ સહાયે પરિણામ અંગે ટ્વીટ કરીને માહિતી આપી છે. ઉમેદવારોએ પીએસઆઈ ભરતી બોર્ડની વેબસાઈટ પર નજર રાખવાની રહેશે.

ગત છ માર્ચના રોજ રાજ્યના અમવાદ અને ગાંધીનગર શહેરના 312 કેન્દ્રો પર પીએસઆઈની લેખિત પરીક્ષા લેવાઈ હતી (PSI Written Test) અમદાવાદ શહેરમાં તમામ કેન્દ્રો પર શાંતિપૂર્ણ રીતે પરીક્ષા યોજાઈ હતી. પરીક્ષાનું સમાપન થયાની ગણતરીની કલાકોમાં આ પરીક્ષાની (PSI Exa) ઓએમઆર શીટ (OMR Sheet) ઓજસ (OJAS)પર અપલોડ કરી દેવામાં આવી હતી

આ પરીક્ષા યોજાઈ ગયા બાદ તેનું પરિણામ જાહેર ન થયું હોવાથી ઉમેદવારો વ્યાકૂળ હતા. તેવામાં ભરતી બોર્ડના વડા આઈપીએસ વિકાસ સહાયે જણાવ્યું છે કે આ પરિણામ અંગે તેમને 72 કલાકનો સમય આપવામાં આવે. તેઓ અંગતકારણોસર 15 દિવસથી રજા પર હતા. આજે તેઓ ઓફિસમાં પરત આવ્યા છે. તેમના પરત આવતા પરિણામ આવી શકે છે.

પીએસઆઈ ભરતી બોર્ડની નવી વેબસાઈ https://psirbgujarat2022.in પર આ પરિણામ જાહેર કરવામાં આવશે. કુલ 1375 જગ્યા માટે રાજ્યના 88,000 જેટલા ઉમદવારોએ આ પ્રથમ લેખિત પરીક્ષા આપી હતી. આ પરીક્ષાની મુખ્ય કસોટીમાં સામાન્ય નિયમ પ્રમાણે ત્રણ ગણા ઉમેદવારોને પાસ કરવામાં આવશે.

તા. 23-3-2022ના રોજ પીએસઆઈની પરીક્ષઆની ફાઈનલ આન્સર કી (Final Answer Key) જાહેર કરવામાં આવી હતી જેમાં પ્રશ્નપત્ર સેટ-1 મુજબ પ્રશ્ન ક્રમાંકઃ 76 ના જવાબમાં સુધારો કરવામાં આવ્યો હતો.