LRD Exam: LRDની પરીક્ષાના કોલ લેટર જાહેર થવાની તારીખ એક દિવસ લંબાવાઈ, જાણો ક્યારથી કરી શકશો ડાઉનલોડ

LRD Exam call Letter: લોકરક્ષક દળની પરીક્ષાની (LRD Exam)ની તૈયારી કરી રહેલા ઉમેદવારો માટે કોલ લેટર ડાઉનલોડ (LRD) કરવાની તારીખ વધુ એક દિવસ લંબાવાઈ છે. LRDના કોલ લેટર અગાઉ<br />3 એપ્રિલથી ઓનલાઇન થવાના હતા. જોકે, આ તારીખે રવિવાર હોવાથી વધુ એક દિવસ તારીખ લંબાવવામાં આવી છે. ભરતી વડા હસમુખ પટેલે આ અંગે ટ્વીટ કરીને માહિતી આપી છે.

હસમુખ પટેલે લખ્યું કે તારીખ 3ના રવિવાર હોય ઉમેદવારોને કોઈ ટેક્નિકલ કારણોસર કોલ લેટર ડાઉનલોડ કરવામાં મુશ્કેલી ન પડે તે માટે હવે કોલ લેટર તારીખ 4 એપ્રિલના રોજ બહાર પાડવામાં આવશે. વન રક્ષકની પરીક્ષામાં ગેરરીતિના બે બનાવોને ધ્યાનમાં લઇને પણ કોલલેટર મોડા બહાર પાડવાનો નિર્ણય કરવામાં આવેલ છે.

અગાઉ હસમુખ પટેલે ટ્વીટ કર્યુ હતું કે વન રક્ષક પરીક્ષામાં ઉનાવા તથા ભાવનગર એમ બે કેન્દ્રો ખાતે થયેલ ગેરરીતીની ઘટનાને ધ્યાનમાં લેતા લોકરક્ષક ભરતીના કોલ લેટર હવે 1 એપ્રિલ ને બદલે 3 એપ્રિલે બહાર પાડવામાં આવશે. બીજા કેટલાક પગલા લેવાનું પણ આયોજન કરવામાં આવેલ છે.

લોકરક્ષક ભરતીની લેખિત પરીક્ષામાં ઉમેદવારો સાદી કાંટા વાળી ઘડીયાળ પરીક્ષા ખંડમાં લઈ જઈ શકશે. ડિજિટલ કે સ્માર્ટ વોચની છૂટ નથી. લોકરક્ષક કેડરની હથિયારી અને બિન-હથિયારી કોન્સ્ટેબલ-લોકરક્ષક અને SRPF કોન્સ્ટેબલની 10,459 જગ્યા સીધી ભરતીથી ભરવામાં આવી રહી છે. પ્રતિકાત્મક તસવીર

લોક રક્ષકની ભરતીમાં શારીરિક કસોટીમાં 6.56 લાખ પરીક્ષાર્થીએ પરીક્ષા આપી હતી.જેમાંથી આ પરીક્ષામાં 2.94 લાખ ઉમેદવારો પાસ થયા છે, જેઓની લેખિત કસોટી તારીખ 10મી એપ્રિલના રોજ યોજાશે.