PHOTOS: લોકોએ કહ્યું 'નાક કપાવીશ', પરિવારે પણ તોડ્યો સંબંધ, આ રીતે યુવતીએ આપ્યો જડબાતોડ જવાબ

મમતા ચૌધરી (Mamta Choudhary) પ્રથમ મહિલા છે, જેઓ પોતાનું ગામ છોડીને વિદેશમાં નોકરી કરે છે. હાલમાં તે ક્રૂ મેમ્બર તરીકે કામ કરી રહી છે. તેના સંઘર્ષની વાર્તાએ ઇન્ટરનેટ પર લોકોના દિલ જીતી લીધા છે. મમતા રાજસ્થાનના એક નાના ગામની રહેવાસી છે. જણાવી દઈએ કે, તે ગામની દીવાલ ઓળંગીને વિદેશ પહોંચી ગઈ છે. મમતા એવા માહોલમાં આગળ છે જ્યાં લોકો મહિલાઓ માટે ઘર અને રસોડાથી આગળ વિચારતા નથી. આજે તેમની સફળતા દરેક માટે પ્રેરણારૂપ છે.

મમતા ચૌધરી રાજસ્થાનના એક એવા ગામની છે, જ્યાં મહિલાઓને માત્ર રસોઈ બનાવવાની અને બાળકોને ઉછેરવાની અપેક્ષા રાખવામાં આવતી હતી. તેનું સ્કૂલિંગ પૂરું થતાં જ લોકો તેના લગ્નની વાતો કરવા લાગ્યા, પરંતુ મમતાનું સપનું કંઈક બીજું હતું.

એક ઈન્ટરવ્યુમાં તેણે કહ્યું કે, 'મેં મારા પિતાને કહ્યું કે, મારે શહેરમાં જવું છે. તે સંમત થયા, પરંતુ મારી સાથેના તમામ સંબંધો તોડી નાખ્યા હતા. તે એક કિંમત હતી, જે હું મારા સપના માટે ચૂકવવા તૈયાર હતી.

ગામ છોડીને મમતા દિલ્હી પહોંચી, પરંતુ અહીં પણ તેની મુશ્કેલીઓ ઓછી ન થઈ. તેને અંગ્રેજી આવડતું ન હતું. લોકો તેને તેના કપડાને લઈને પણ જજ કરતા હતા. તેણે સતત ઈન્ટરવ્યુ આપ્યા, પણ સફળતા ન મળી. આ પછી તેણે પોતાની જાતને સુધારી અને 2018માં તેને કેબિન ક્રૂની નોકરી મળી હતી.

મમતાએ એક ઈન્ટરવ્યુમાં જણાવ્યું હતું કે, જ્યારે તેણે નોકરી મળવા વિશે જણાવવા માટે તેના ઘરે ફોન કર્યો તો કોઈ તરફથી કોઈ ખાસ રિસ્પોન્સ આવ્યો ન હતો. તેના ગામમાં આ સમાચાર ફેલાતા જ લોકો 'નાક કટા દેગી' કહેવા લાગ્યા હતા.

પાસપોર્ટ ન હોવાને કારણે મમતાએ નોકરી ગુમાવી દીધી હતી. આ દરમિયાન, તેને ઘણી મુશ્કેલીઓનો સામનો કરવો પડ્યો હતો. થોડા સમય માટે તે તેના ઘરે પાછી ફરી હતી. તે પછી તે ફરીથી દિલ્હી આવી અને મોડલિંગ શરૂ કરી હતી. ત્યારબાદ 2022માં તેને અબુ ધાબીમાં કેબિન ક્રૂ તરીકે નોકરી મળી હતી. વિદેશમાં નોકરી મેળવનારી તે પોતાના ગામની પ્રથમ મહિલા બની હતી.

મમતા ચૌધરી રૂઢિચુસ્ત વિચારસરણીને તોડીને આગળ વધી અને સફળતા મેળવી છે. આજે તેને શાળા-કોલેજોમાં પ્રવચનો માટે બોલાવવામાં આવે છે.