GSSSB Recruitment 2022: ગૌણ સેવા પસંદગી મંડળ સિનિયર ક્લાર્ક CPT અંગે અગત્યની સૂચનાઓ, જાણો સંભવિત તારીખો

GSSSB Recruitment 2022: ગુજરાત ગૌણ સેવા પસંદગી મંડળ દ્વારા લેવાયેલી સિનિયર ક્લાર્કની ભાગ-1ની (GSSB Recruitment 2022 Senior clerk Exam) પરીક્ષા આપનારા ઉમેદવારો માટે અગત્યની સૂચનાઓ જાહેર કરવામાં આવી છે. અગાઉ આ પરીક્ષાની કોમ્યુટર પ્રોફિશિયન્સી (GSSB Senior Clerk CPT Dates) ટેસ્ટ માટેની તારીખો જાહેર કરવામાં આવી નહોતી. આ પરીક્ષાની ઉમેદવારો કાગડોળે રાહ જોઈ રહ્યા હતા. જોકે, હવે આ પરીક્ષાની તારીખોનો ( GSSSB Senior Clerk CPT Schedule) અંદાજ જાહેર કરી દેવામાં આવ્યો છે.

ગુજરાત ગૌણ સેવા પસંદગી મંડળ દ્વારા ભરતી જાહેરાત ક્રમાંક 185/2019-20ની પ્રથમ તબક્કાની સ્પર્ધાત્મક લેખિત પરીક્ષા તારીખ 31-7-2022ના રોજ લેવામાં આવી હતી. પ્રથમ તબક્કાની આ લેખિત પરીક્ષા બાદ ભાગ-2ની કોમ્યુટર પ્રોફિશિયન્સી ટેસ્ટ લેવાની બાકી હતી.

આજે ગુજરાત ગૌણ સેવા પસંદગી મંડળ દ્વારા જાહેર કરવામાં આવેલી અગત્યની સૂચના મુજબ સિનિયર ક્લાર્કની કોમ્યુટર પ્રોફિશિયન્સી ટેસ્ટ આગામી 1-6-2022થી 15-6-2022 દરમિયાન લેવામાં આવશે. આ ટેસ્ટ આ સમયગાળ દરમિયાન સળંગ ચાર દિવસોમાં યોજવામાં આવશે.

1-6-2022થી 15-6-2022 વચ્ચે કોઈ પણ ચાર દિવસ આ પરીક્ષા લેવાશે. પરીક્ષાના કોલ લેટર અંગે એક અઠવાડિયા પહેલાંથી ઉમેદવારો કોલ લેટર ડાઉનલોડ કરી શકશે. આ સાથે જ તારીખનો વિગતવાર કાર્યક્રમ આગામી દિવસોમાં ગુજરાત ગૌણ સેવા પસંદગી મંડળની વેબસાઈટ પર મૂકવામાં આવશે.

ઉલ્લેખનીય છે કે વિવાદોના ઘેરામાં આવી ગયેલા ગુજરાત ગૌણ સેવા પસંદગી મંડળના અધ્યક્ષ પદેથી જ્યારથી અસિત વોરાના દૂર કરી અને આઈએએસ અધિકારી એ.કે. રાકેશની નિમણૂક કરવામાં આવી છે ત્યારથી મંડળની કામગીરી તેજ રફતારે ચાલી રહી છે. એક પછી એક ભરતીઓ વિના વિઘ્ને પાર પડી રહી છે અને વહીવટી પારદર્શિતા પણ જોવા મળી રહી છે.