Gujarat Education: ગુજરાતમાં ધો 1-2માં અંગ્રેજી, ધો.6-12માં ગીતાનું જ્ઞાન અપાશે

English in Std 1-2: ગુજરાત રાજ્યની સરકારી શાળાઓમાં (Government Schools) ધો.1-2માં ફરજિયાત પણે અંગ્રેજી વિષય ભણાવવામાં આવશે. રાજ્યના શિક્ષણ મંત્રી જીતુ વાઘાણીએ (Education Minister Jitu Vaghani) જાહેરાત કરી હતી. આ સાથે જ રાજ્યમાં આગામી શૈક્ષણિક વર્ષથી શ્રીમદ ભાગવત ગીતા (Shrimad Bhagwat Geeta)નું જ્ઞાન પ્રાપ્ત થાય તેવી વ્યવસ્થા પણ કરવામાં આવશે.

<br />અંગ્રેજી શિક્ષણને પ્રોત્સાહન આપવા માટે આગામી શૈક્ષણિક સત્રથી ધો 1-2ના વિદ્યાર્થીઓને અંગ્રેજી વિષય શિખવાડવામાં આવશે. જોકે, શિક્ષણ મંત્રીની જાહેરાત મુજબ ધો. 1-2માં અંગ્રેજી વિષયનું કોઈ પાઠ્ય પુસ્તક નહીં હોય. ગામડાના બાળકો પણ અંગ્રેજી શીખે અને વિષયમાં તેમની રસ રૂચી કેળવાય તે માટે ભણાવવામાં આવશે.

જોકે, અંગ્રેજી વિષયનું પાઠ્ય પુસ્તક ધો.3થી સરકારી શાળાઓમાં અમલી બનશે. ધો. 1-2માં ફક્ત શ્રવણ અને કથનના આધારે એટલે કે સામાન્ય એબીસીડીથી લઈને કવિતાઓ કે વાર્તાઓ દ્વારા અન્ય રીતે અંગ્રેજીનું સામાન્ય જ્ઞાન આપવામાં આવશે.

જીતુ વાઘાણીએ જણાવ્યું કે રાષ્ટ્રીય શિક્ષણ નીતિ 2020માં શ્રીમદ્દ ભગવત ગીતાના સિદ્ધાંતો અને તેની અમલવારીને સ્વીકારવામાં આવી છે ત્યારે રાજ્યમાં આગામી શૈક્ષણિક વર્ષથી વિદ્યાર્થીઓને શ્રીમદ્દ ભગવત ગીતાનું જ્ઞાન પ્રાપ્ત થાય તે માટે જરૂરી વ્યવસ્થાઓ કરવામાં આવી છે.

એક બાજુ રાજ્યની 700 શાળાઓ ફક્ત એક જ શિક્ષકથી ચાલે છે ત્યારે આવી શાળાઓમાં કેવી રીતે ધો. 1-2માં અંગ્રેજી ભણાવી શકાશે તેનો જવાબ સરકાર વિદ્યા સહાયકોની નિમણૂક કેટલી જલદી આપે છે તેના પર આધારિત છે.<br />પ્રતિકાત્મક તસવીર