CBSE Board Exam Tips: બોર્ડ પરીક્ષામાં આ રીતે લખો Answers, રિઝલ્ટમાં વધી જશે માર્ક્સ

CBSE Board Exam Tips, CBSE Term 2 Exam, Answer Writing Tips: સીબીએસઇ બોર્ડની ટર્મ 2 પરીક્ષા શરૂ થવામાં માત્ર 4 દિવસ બચ્યા છે. ICSE અને ISC બોર્ડ પરીક્ષા 2022 પણ 26 એપ્રિલ 2022થી શરૂ થઈ રહી છે. સીબીએસઇ ટર્મ 2 પરીક્ષાની પેટર્ન સબ્જેક્ટિવ રાખવામાં આવી છે. તો CBSE ટર્મ 1 પરીક્ષા પેટર્ન ઓબ્જેક્ટિવ (Board Exam Preparation Tips) હતી.

છેલ્લા બે વર્ષથી સ્કૂલ બંધ હોવાને કારણે સ્ટુડન્ટ્સમાં લખવાની ટેવ ઓછી થઈ ગઈ છે. CBSE બોર્ડ પરીક્ષા 2022માં સારા માર્ક્સ મેળવવા માટે જરૂરી છે કે સ્ટુડન્ટ્સની આન્સર રાઇટિંગ પ્રેક્ટિસ સારી રીતે થાય. આ સાથે જ તેમને પોતાના આન્સર લખવાની ખાસ કળા પણ આવડતી હોય. જાણો આન્સર રાઇટિંગ પ્રેક્ટિસની કેટલીક એવી ટિપ્સ, જેની મદદથી તમે બોર્ડની એક્ઝામમાં ટોપર્સ લિસ્ટમાં પોતાનું સ્થાન બનાવી શકો છો.

બોર્ડ પરીક્ષામાં આન્સર હંમેશા સ્પષ્ટ હેન્ડરાઇટિંગમાં લખો. તમારા ફોન્ટ બહુ નાના કે બહુ મોટા ન હોવા જોઈએ. ધ્યાનમાં રાખો કે, કોપી ચેક કરનારા એક્ઝામિનર પાસે તમારી હેન્ડરાઇટિંગ સમજવાનો સમય નહીં હોય.

જો તમે એક્ઝામની શરૂઆતમાં હેન્ડરાઇટિંગને સારી બનાવી રાખવા માટે ધીમે-ધીમે લખશો, તો તમે ક્યારેય સમયસર પેપર પૂર્ણ કરી શકશો નહીં. શરૂઆતથી જ રાઇટિંગ સ્પીડને બરાબર રાખો.

બોર્ડ આન્સર કોપીમાં ટુ ધ પોઈન્ટ આન્સર લખવાનો પ્રયાસ કરો. કારણ વગર ફક્ત પેજ ભરવા માટે લખતા ન રહો.

જો તમને કોઈ પ્રશ્નનો જવાબ ન આવડતો હોય તો પણ ટાઈમ બચવા પર તેને અટેમ્પ્ટ જરૂર કરો. 0.5 માર્કસથી પણ તમારું રિઝલ્ટ સારું બની શકે છે.