CBSE Term 2 Exam: CBSE બોર્ડના વિદ્યાર્થીઓ માટે મહત્વના સમાચાર, જાણો એડમિટ કાર્ડ કઈ રીતે મળશે?

CBSE Term 2 Exam, CBSE Board Exam 2022, CBSE Board Guidelines: વર્ષ 2022થી ઘણાં રાજ્યોએ નવી શિક્ષણ નીતિ (New Education Policy) 2020ને લાગુ કરવાનું શરુ કરી દીધું છે. સીબીએસઇ બોર્ડે પણ આ વર્ષે પોતાની એક્ઝામ પેટર્નમાં ફેરફાર કર્યો છે. સીબીએસઇ ટર્મ 1 પરીક્ષા નવેમ્બર-ડિસેમ્બર 2021માં યોજાઈ હતી અને ટર્મ 2 પરીક્ષા 26 એપ્રિલ 2022થી શરુ થશે. સીબીએસઇ બોર્ડે 10મા અને 12મા ધોરણના વિદ્યાર્થીઓના એડમિટ કાર્ડ (CBSE Board Admit Card) જારી કરી નાખ્યા છે.

સીબીએસઇ બોર્ડે 10મા અને 12માની પરીક્ષામાં બેસનારા વિદ્યાર્થીઓ માટે જરૂરી ગાઇડલાઇન્સ જારી કરી છે જેનું દરેક વિદ્યાર્થીએ ફરજિયાત પાલન કરવાનું રહેશે. તેમાં કોવિડ પ્રોટોકોલ (Covid Protocol) પણ સામેલ છે. સીબીએસઇ બોર્ડ પરીક્ષાથી જોડાયેલી તમામ અપડેટ ઓફિશિયલ વેબસાઇટ cbse.gov.in પર ચેક કરી શકો છો.

CBSE બોર્ડે તમામ વિદ્યાર્થીઓના એડમિટ કાર્ડ શાળાઓમાં મોકલી આપ્યા છે. વિદ્યાર્થીઓએ ત્યાંથી એડમિટ કાર્ડ કલેક્ટ કરવાનો રહેશે. રિપોર્ટ્સનું માનીએ તો આ વર્ષે એડમિટ કાર્ડ પર QR કોડ આપવામાં આવ્યો છે, જેનાથી નકલી વિદ્યાર્થીઓને ઓળખવામાં સરળતા રહેશે.

CBSE ટર્મ 2ની પરીક્ષામાં સામેલ થનારા વિદ્યાર્થીઓના રોલ નંબર આવતા અઠવાડિયે જારી કરવામાં આવી શકે છે. દરેક ક્લાસમાં ફક્ત 18 વિદ્યાર્થીઓને જ બેસવાની મંજૂરી આપવામાં આવશે. તમામ વિદ્યાર્થીઓએ ફરજિયાતપણે માસ્ક પહેરવાનું રહેશે. આ સાથે સોશિયલ ડિસ્ટન્સિંગનું પણ પાલન કરવું પડશે.

બોર્ડની પરીક્ષા માટે 10.30 થી 12.30 સુધીનો સમય નક્કી કરવામાં આવ્યો છે. વિદ્યાર્થીઓએ પરીક્ષા કેન્દ્ર પર 9.30 વાગ્યા સુધીમાં રિપોર્ટ કરવાનું રહેશે. 10 વાગ્યા પછી પરીક્ષા કેન્દ્રની અંદર કોઈ વિદ્યાર્થીને પ્રવેશ આપવામાં આવશે નહીં. CBSE બોર્ડના વિદ્યાર્થીઓને પ્રશ્નપત્ર વાંચવા માટે 20 મિનિટનો સમય આપવામાં આવશે.