અમીર બનવું હોય તો 2018માં ન કરતા આ 10 ભૂલ

ક્યારેક નાની-નાની ભૂલોને કારણે આપણાં નાણાકિય આયોજને બગડી જતાં હોય છે. ક્યારેય અજાણતા, તો ક્યારેય લોભ, ભય, અહંકાર કે ક્યારેક તાત્કાલિક અમીર બની જવાની લાલચમાં આપણે અમુક ભૂલી કરી નાખતા હોઈએ છીએ. આજે તમને એવી 10 ભૂલો અંગે જણાવી રહ્યા છીએ, જેને ટાળશો તો ચોક્કસ તમને 2018ના વર્ષમાં ફાયદો થશે.

1) સેવિંગ એકાઉન્ટમાં કેશ રાખવી એ સૌથી મોટી નાણાકિય ભૂલ છે. સેવિંગ એકાઉન્ટમાં રાખેલા પૈસા હંમેશા નેગેટિવ રિટર્ન જ આપે છે. તમે ઇન્ફ્લેક્શન એટલે કે ફુગાવાના ગણિતને સમજી નથી શકતા. એટલા માટે ઇમરજન્સી ફંડ માટે જરૂરી રકમને બાદ કરતા બીજી રકમ સેવિંગ એકાઉન્ટમાં રાખવી જોઈએ નહીં.

2) સેવિંગ એકાઉન્ટમાં ઇમરજન્સી માટે પૂરતી રકમ ન હોવી. નોકરી જવી અને બીમારી જેવી ઇમરજન્સી સ્થિતિમાં ફંડની જરૂર પડે છે. જોકે, સેવિંગ એકાઉન્ટમાં રાખવામાં આવેલી રકમ 3થી 6 મહિનાના ખર્ચથી વધારે પણ ન હોવી જોઈએ.

3) લાઇફ અને મેડિકલ વીમો ન લેવો. આ બંને આજકાલ મૂડીની જેમ છે. જોકે, મોટા ભાગના લોકો ભૂલ કરે છે તેવી રીતે તમારે લાઇફ અને મેડિકલ વીમાને ઇન્વેસ્ટમેન્ટની જેમ લેવા જોઈએ નહીં.

4) સફળતા માટે યોગ્ય રકમનું રોકાણ જરૂરી છે. એટલે કે તમારે ક્યાં અને કેટલું રોકાણ કરવું તેનું ધ્યાન રાખવું જોઈએ.

5) જાણકારીના અભાવે લોકો માર્કેટમાં ઉપલબ્ધ વ્યાજદરના બદલે ફિક્સ કે ફ્લોટિંગ વ્યાજદરની પસંદગી કરી લેતા હોય છે. જાણકારી ન હોવાથી માર્કેટની બદલાતી પરિસ્થિતિ લોકો સમજતા નથી. જો માર્કેટમાં વધુ વ્યાજદર ચાલી રહ્યો હોય તો તમારે ફ્લોટિંગ રેટની પસંદગી કરવી જોઈએ.

6) ડાઇવર્સિફિકેશનનો અભાવ. તમારે તમામ રકમને એક જ વસ્તુમાં રોકવા ન જોઈએ. જરૂરત અને રિસ્ક લેવાની ક્ષમતા પ્રમાણે તેને અલગ-અલગ જગ્યાએ રોકાવા જોઈએ.

નિવૃત્તિની તૈયારી ઓછીમાં ઓછી ઉંમરમાં શરૂ કરી દેવી જોઈએ. મોટા ભાગના લોકો તેમાં ભૂલ કરતા હોય છે.

8) ક્રેકિડ કાર્ડ સહિત અન્ય બિલોની ચુકવણી સમય પર ન કરવાથી તમને મોટું નુકસાન થઈ શકે છે.

9) ટેક્સ સેવિંગને ધ્યાનમાં રાખીને રોકાણ ન કરતા પોતાના ટાર્ગેટને કેન્દ્રમાં રાખીને જ રોકાણ કરવું જોઈએ. ટેક્સ સેવિંગ નાનો ફાયદો અપાવી શકે, શક્ય છે તમે જે ટાર્ગેટ કરો છો તેનાથી તમને તગડો ફાયદો મળે.

10) પોતાના બાળકો અથવા ઉત્તરાધિકારીના નામે સંપત્તિ ટ્રાન્સફરની કોઈ યોજના ન હોવાની સ્થિતિમાં પરિવારમાં વિવાદ થઈ શકે છે. એટલે તેનું પણ યોગ્ય પ્લાનિંગ કરો.