કયા દેશમાં વસે છે દુનિયાના સૌથી વધુ અબજોપતિ?

દરેક દેશમાં અલ્ટ્રા હાઇ નેટવર્થ અમીર વસે છે. પરંતુ શું તમે જાણો છો કે દુનિયામાં સૌથી વધુ અબજપતિ કયા દેશમાં છે? અને આ દેશોની યાદીમાં આપણો દેશ ભારત કયા સ્થાને છે?

દુનિયામાં સૌથી વધુ અબજપતિ અમેરિકામાં વસે છે. કુલ 585 અબજપતિવાળા અમેરિકામાં 68% એવા છે, જે કોઈ વારસામાં મળેલી સંપત્તિને બદલે જાત મહેનતે પૈસા કમાયા છે. આ અબજપતિઓની કુલ સંપત્તિ 3096.7 અબજ ડૉલર છે.

અબજપતિઓની સંખ્યામાં બીજા નંબરે પડોસી દેશ ચીન આવે છે. ચીનમાં 373 અબજપતિ વસે છે. તેમાંથી 98% અબજપતિએ પોતાના મહેનતથી પૈસા કમાયા છે. જ્યારે 51 ડ્રૉપ આઉટ એવા અમીર પણ સામેલ છે, જેમની સંપત્તિ છેલ્લા એક વર્ષની તુલનામાં 1 અબજ ડૉલરથી ઓછી થઈ.

ત્રીજા નંબરે જર્મનીનું નામ આવે છે. આ દેશમાં કુલ 123 અબજપતિ વસે છે. તેની કુલ સંપત્તિ 579 અબજ ડૉલર છે. જ્યારે 15 અમીર એવા છે જેમની સંપત્તિ છેલ્લા એક વર્ષની તુલનામાં 1 અબજ ડૉલરથી ઓછી થઈ ગઈ.

દુનિયામાં અબજપતિઓની સંખ્યામાં ભારત ચોથા નંબરે છે. ભારતમાં કુલ 119 અબજપતિ છે. તેમની કુલ સંપત્ત‍િ 440.1 અબજ ડૉલર છે. છેલ્લા એક વર્ષની તુલનામાં આ યાદીમાં 5 અમીર ઓછા થઈ ગયા જેમની સંપત્તિ 1 અબજ ડૉલરથી ઓછી થઈ ગઈ.

આ યાદીમાં પાંચમાં નંબરે રશિયાનું નામ છે. 101 અબજપતિ ધરાવતા રશિયામાં તમામ અલટ્રા હાઇ નેટવર્થવાળા અમીર પોતાની મહેનતથી બન્યા છે.

હાલ પોતાના પ્રદર્શનોને કારણે ચર્ચામાં આવેલું હોંગકોંગ અમીરોનું શરણસ્‍થળ છે. ત્યાં કુલ 67 અબજપતિ વસે છે. તેમની કુલા સંપત્તિ 334.7 અબજ ડૉલર છે. હોંગોકોંગ છઠ્ઠા નંબરે છે.

યૂનાઈટેડ કિંગડમમાં અબજપતિઓની સંખ્યા 54 છે. તેમની કુલ સંપત્તિ 202 અબજ ડૉલર છે. આ દેશ સાતમા સ્થાને છે.

સૌથી વધુ અબજોપતિઓની યાદીમાં આઠમા નંબરે કેનેડા આવે છે. અહીં કુલ અબજપતિઓની સંખ્યા 46 છે જેમની કુલ સંપત્તિ 148.5 અબજ ડૉલર છે.

નવમા નંબરે આવે છે દક્ષિણ કોરિયા. અહીં કુલ 44 અબજપતિ વસે છે જેમની પાસે 126.8 અબજ ડૉલરની સંપત્તિ છે.

દસમા નંબરે ઈટલી આવે છે. અહીં કુલ 43 અબજપતિ વસે છે. તેમની કુલ સંપત્તિ 170.4 અબજ ડૉલર છે.