માર્કેટમાં જાણે સીઝન બદલાઈ! Adani Groupની પાછળ આ બેંકોના શેરમાં પણ તેજીનું તોફાન

અદાણી ગ્રુપે ગુરુવારે એક મોટી જાહેરાત કરી છે. અમેરિકાના એસેટ મેનેજર GQG પાર્ટનર્સ (GQG Partners) એ ગ્રુપની 4 કંપનીઓમાં 15446 કરોડ રૂપિયાના શેર ખરીદ્યા છે. અદાણી એન્ટરપ્રાઈઝ, અદાણી પોર્ટ્સ, અદાણી ટ્રાન્સમિશન અને અદાણી ગ્રીન એનર્જીમાં હિસ્સો ખરીદવામાં આવ્યો છે, જેણે અદાણી જૂથને લોન આપનારાઓને મોટી રાહત આપી છે.

અદાણી ગ્રુપમાં કઈ બેંકનું કેટલું એક્સપોઝર? જો આપણે અદાણી ગ્રુપ પર રહેલી લોન પર નજર કરીએ, તો અદાણી ગ્રુપની કંપનીઓમાં ધિરાણકર્તાઓએ તેમના રોકાણ અંગે આપેલી માહિતી અનુસાર REC યાદીમાં ટોચ પર છે. RECની કુલ લોન રૂ. 7,000 કરોડ છે, જે કુલ લોનના 1.7 ટકા છે. આ પછી ઇન્ડસઇન્ડ બેન્ક પાસે 1.52 ટકા (રૂ. 4150 કરોડ), એક્સિસ બેન્ક પાસે 1.21 ટકા (રૂ. 9221 કરોડ) છે.

SBI, PNB અને બેંક ઓફ બરોડા તેમની કુલ લોનના અનુક્રમે 0.88 ટકા, 0.82 ટકા અને 0.60 ટકા હિસ્સો ધરાવે છે. રકમ વિશે વાત કરીએ તો, SBIનું સૌથી મોટું એક્સપોઝર છે જે રૂ. 27,000 કરોડ રુપિયા છે.

ગ્રુપના કારણે બેંકોના શેરોમાં ભારે વોલેટિલિટી: 24 જાન્યુઆરીએ હિંડનબર્ગ રિસર્ચ રિપોર્ટ બાદ અદાણી ગ્રુપના શેર્સમાં કરેક્શનની પણ આ નાણાકીય શેરોને અસર થઈ હતી. 23 જાન્યુઆરીએ SBIનો સ્ટોક 600ના સ્તરે હતો જ્યારે 22 ફેબ્રુઆરીએ તે 516ના સ્તરે આવ્યો હતો.

તેમાં 14 ટકાનો ઘટાડો જોવા મળ્યો હતો. જો કે, છેલ્લા 10 દિવસમાં, શેરે નુકસાનમાંથી લગભગ 50 ટકા પુનઃપ્રાપ્ત કર્યું છે. આવો જ ટ્રેન્ડ અન્ય કંપનીઓમાં પણ જોવા મળ્યો હતો. આજના કારોબારમાં આ તમામ ફાઇનાન્શિયલ શેરોમાં 1 ટકાથી 4 ટકાનો ઉછાળો છે.

અદાણીના શેરમાં પણ ઉછાળો: અદાણી ગ્રુપના શેરો પણ સારી ગતિ સાથે ટ્રેડ થઈ રહ્યા છે, જેમ કે અદાણી એન્ટરપ્રાઈઝ 11 ટકાથી વધુના વધારા સાથે લાભાર્થીઓની યાદીમાં ટોચ પર છે. આ પછી, અદાણી પોર્ટ્સ 7 ટકા, અંબુજા 4 ટકા અને ACC 3 ટકા ઉપર છે.

અદાણી પાવર, અદાણી ટ્રાન્સમિશન, અદાણી ટોટલ ગેસ, અદાણી વિલ્મર, એનડીટીવી અને અદાણી ગ્રીન અપર સર્કિટ પર છે. છેલ્લા ચાર ટ્રેડિંગ દિવસોમાં અદાણી ગ્રુપની કંપનીઓનું માર્કેટ કેપ રૂ. 1.30 લાખ કરોડને પાર કરી ગયું છે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)