બે મિત્રોએ જોબ છૂટતા ચાલુ જ્યુસ વેચવાનું ચાલુ કર્યું, વિચિત્ર નામને કારણે સોશિયલ મીડિયામાં વાયરલ

બનોઅરીલાલ ચૌધરી, વર્ધમાનઃ પશ્ચિમ બંગાળના વર્ધમાનમાં એક અનોખી શરબતની શોપ ખૂલી છે, તેનું નામ છે ‘જોબલેસ જ્યુસવાલા’! ‘જોબલેસ જ્યુસવાલા’એ આખા શહેરનું ધ્યાન ખેંચ્યુ છે. કેટલાક લોકો તો આવા યુનિક નામને કારણે દૂરદૂરથી જ્યુસ પીવા માટે આવે છે. જ્યુસ પણ એવો છે કે લોકો મોજથી પી રહ્યા છે. તેમાં મોજિતો, મસાલા સોડા, મસાલા કોલ્ડ ડ્રિન્ક્સ, મેંગો જ્યુસ વગેરે અહીં મળે છે.

તેમાં મોજિતો 40 રૂપિયા, મેંગો જ્યુસ અને મસાલા સોડા 30 રૂપિયામાં મળે છે. અઠવાડિયાના સાતેય દિવસ આ જ્યુસની શોપ ખુલ્લી રહે છે. સવારના 9 વાગ્યાથી રાતના 9 વાગ્યા સુધી અહીં જ્યુસ મળે છે. જો તમે વર્ધમાન પોલીસ ચોકી નજીક આવેલા ઘોરદોરચટ્ટી પાસે આ જ્યુસની શોપ જોઈ શકશો.

તમને બધાને નામ વાંચીને પ્રશ્ન થશે કે, ‘જોબલેસ જ્યુસવાલા’ જ નામ કેમ રાખ્યું? તો આ શોપના બે માલિક અભિજિત ગુહા અને અપુ સરકાર જણાવે છે કે, આ જ્યુસ શોપનું નામ કેમ આવું વિચિત્ર રાખ્યું હતું.

બે બાળપણના મિત્રએ આ શોપ ચાલુ કરી છે. તેઓ જણાવે છે કે, ચૌદ વરસ સુધી બંનેએ પ્રાઇવેટ ઓર્ગેનાઇઝેશનમાં કામ કર્યું. પરંતુ એક મહિના પહેલાં અચાનક તેમની કંપનીમાં છટણી થતા બંનેએ જોબ ગુમાવી દીધી.

જોબ છૂટતા તેમણે કંઈક બિઝનેસ કરવાનું વિચાર્યું, તેથી તેમણે આ શોપનું નામ ‘જોબલેસ જ્યુસવાલા’ નામ રાખ્યું છે. હાલ આ શોપથી બંને મિત્રોના ઘરનું ગુજરાન ચાલી રહ્યુ છે. અપુ અને અભિજિત ભવિષ્યમાં ખૂબ મોટી શોપ બનાવવાનું વિચારી રહ્યા છે.

આ શોપના એક માલિક અપુ જણાવે છે કે, ‘છટણીને કારણે ઘણી કંપનીઓ બંધ થઈ ગઈ છે. ત્યારે અમે બંને નવી જોબ શોધી રહ્યા હતા. ત્યારે અમને બિઝનેસ કરવાનો વિચાર આવ્યો, કારણ કે અમને ખબર નહોતી કે નવી કંપની પણ ક્યારે બંધ થઈ જાય.’ અભિજિત ઉમેરે છે કે, ‘અમારો મુખ્ય ઉદ્દેશ સારું પીરસવાનો અને બિઝનેસને વિસ્તારવાનો છે. વાયરલ થવું તે અમારો ઉદ્દેશ્ય નથી.’