Home Loan: આ 10 બેંક આપી રહી છે સૌથી ઓછા દરે હોમ લોન

નવી દિલ્હી: ઘર ખરીદી માટે અત્યારે હોમ લોન (Home Loan) જરૂરી બની ગઈ છે. કોરોનાના પગલે હાલ હોમ લોનના દરો (Home loan interest rate) સૌથી નીચેના સ્તર છે. હોમ લોનના દર દરેક બેંકના અલગ અલગ હોય છે. રિઝર્વ બેંક ઑફ ઇન્ડિયા (Reserve bank of India)ની મોનિટરી પૉલિસીની ગત બેઠકમાં વ્યાજદર વધવાની સંભાવના વ્યક્ત કરવામાં આવી હતી. જોકે, આરબીઆઈ (RBI)એ વ્યાજદરોમાં વધારો કર્યો ન હતો. હવે આગામી આરબીઆઈની મોનિટરી પૉલિસી (RBI Monetary policy meet)ની બેઠક પહેલા વ્યાજદરમાં વધારો થાય તેવી સંભાવના વ્યક્ત કરવામાં આવી રહી છે. એવામાં જો તમે પણ હોમ લોન લેવા માંગો છો તો અમે અહીં 10 બેંક વિશે માહિતી આપી રહ્યા છીએ. આ બેંકો સૌથી ઓછા દરે હોમ લોન આપી રહી છે.

1) બેંક ઑફ મહારાષ્ટ્ર: Bankbazaarના ડેટા પ્રમાણે સરકાર હસ્તકની બેંક ઑફ મહારાષ્ટ્ર (Bank of Maharashtra) હાલ સૌથી ઓછા દર હોમ લોન આપી રહી છે. બેંક હાલ 6.4 ટકાના દરે હોમ લોન આપી રહી છે. એ પ્રમાણે જો કોઈ વ્યક્તિ 20 વર્ષ માટે 75 લાખની લોન લે છે તો તેને મહિને 55,477 રૂપિયાનો ઈએમઆઈ ચૂકવવો પડશે.

2) જાહેર ક્ષેત્રની અન્ય બેંકો પંજાબ એન્ડ સિંધ બેંક, પંજાબ નેશનલ બેંક, યૂકો બેંક, ઇન્ડિયન બેંક, બેંક ઑફ બરોડા અને બેંક ઑફ ઇન્ડિયા 6.5 ટકાના દરે હોમ લોન આપી રહી છે. આ બેંકમાંથી જો કોઈ 75 લાખ રૂપિયાની લોન 20 વર્ષ માટે લે છે તો તેણે મહિને 55,918 રૂપિયાનો ઈએમઆઈ ચૂકવવો પડશે.

3) કોટક મહિન્દ્રા: કોટક મહિન્દ્રા બેંકનું નામ પણ સૌથી સસ્તા દરે હોમ લોન આપતી ટોચની 10 બેંકોમાં સામેલ છે. બેંક હાલ 6.55 ટકાના દરે હોમ લોન આપી રહી છે. 20 વર્ષ માટે 75 લાખની લોન માટે 56,139 રૂપિયાનો ઈએમઆઈ ચૂકવવો પડશે.

4) યૂનિયન બેંક ઑફ ઇન્ડિયા હાલ 6.60 ટકાના દરે હોમ લોન આપી રહી છે. 77 લાખની લોન જો 20 વર્ષ માટે લેવામાં આવે તો 56,360 રૂપિયાનો ઈએમઆઈ ચૂકવવો પડે.

5) કેનરા બેંક હાલ 6.65 ટકાના દરે હોમ લોન આપી રહી છે. કેનરા બેંકમાંથી જો કોઈ વ્યક્તિ 20 વર્ષ માટે 75 લાખ રૂપિયાની લોન લે તો તેણે મહિને 56,582 રૂપિયાનો હપ્તો ચૂકવવો પડે.

આંકડાની વિગત : ઉપરનો ડેટા બેંકબજાર દ્વારા એકઠો કરવામાં આવ્યો છે. ઉપરની વિગતો જાહેર અને ખાનગી ક્ષેત્રની વેબસાઇટો પર આપવામાં આવેલી માહિતી પરથી લેવામાં આવી છે. જે બેંકો કે હાઉસ ફાઇનાન્સ કંપનીઓને ડેટા વેબસાઇટ પર ઉપલબ્ધ ન હતો તેને ધ્યાનમાં લેવામાં આવ્યો નથી. આ ડેટા ચોથી એપ્રિલ સુધીનો છે. EMIની ગણતરી કરતી વખતે 20 વર્ષના સમયને ધ્યાનમાં લેવામાં આવ્યો છે.