આ બેન્કે બેટરીથી સંચાલિત પ્રથમ ક્રેડિટ કાર્ડ બનાવ્યું, જાણો વિશેષતાઓ

દેશમાં હજુ સુધી તમે મેગાસ્ટ્રિપ, અને ઈવીએમ ચિપ વાળા કાર્ડ વાપર્યા હશે, હવે એક બેન્કે બેટરીથી સંચાલિત ક્રેડિટ કાર્ડ તૈયાર કર્યુ છે. પ્રાઇવેટ સેક્ટરની ઇન્ડ્સઇન્ડ બેન્ક દ્વારા અનોખું ક્રેડિટ કાર્ડ તૈયાર કરાયું છે, આ કાર્ડમાં એક બટન છે. બટનનો ઉપયોગ કરી ગ્રાહકો સ્વાઇપ મશીન, પૉઇન્ટ ઑફ સેલ, વગેરેને પસંદ કરી શકે છે. તમે આપેલા ઑપ્શનમાંથી એક પસંદ કરી અને રિવાર્ડ પોઇન્ટ પણ મેળવી શકો છે.

ઇન્ડ્સઇન્ડ બેન્કનું નેકસ્ટ ક્રેડિટ કાર્ડ દેશનું પ્રથમ બેટરી સંચાલિત ક્રેડિટ કાર્ડ છે. જો તમારી પાસે આ કાર્ડ હોય તો ઈએમઆઈ પર સામાન ખરીદવા માટે તમારે કસ્ટમર કેરને કૉલ નહીં કરવો પડે. હવે તમે ઇચ્છો ત્યારે ઈએમઆઈ પર શૉપિંગ કરી શકો છો. ઇચ્છો ત્યારે રિવાર્ડ પોઇન્ટ પર ખર્ચ કરી શકો છો.

મૉડર્ન ટેકનોલૉજી વાળા આ કાર્ડમાં કેટલાક બટન છે, જેમાં પ્રથમ ઈએમઆઈ, બીજું રિવાર્ડ પોઇન્ટ ખર્ચ, ત્રીજું પેમેન્ટનું બટન છે.

તમે ઉપરોક્ત ત્રણમાંથી જે સુવિધાનો ઉપયોગ કાર્ડ દ્વારા કરવા માંગતા હોવ ત્યારે ફક્ત બટન દબાવીને ઉપયોગ કરી શકો છો.

ઈએમઆઈથી સામાન ખરીદવો હોય તો તેના બટન પર ક્લિક કરવાની સાથે જ તમને કેટલા મહિનાના હપ્તા કરવા છે, તેનો ઑપ્શન પણ મળશે. ક્લિક કરતાની સાથે જ તમને 3-6-9-12 મહિનાના ઑપ્શન મળી શકશે.

આવી રીતે એપ્લાય કરો- આ ક્રેડિટ કાર્ડમાં અલગ અલગ સુવિધાઓ મળે છે. તમે આ કાર્ડ દ્વારા ફ્યૂલ સરચાર્જ વેવર, ઑટો આસિસ્ટ વગેરે ફિચરનો ઉપયોગ કરી શકો છો. આ કાર્ડ મેળવવા માટે ઇન્ડસઇ્ડની વેબસાઇટ પરથી એપ્લિકેશન કરી શકાશે.

આ ક્રેડિટ કાર્ડ ડાયનામિક્સ ઇંકની ભાગીદારીથી તૈયાર કરાયું છે. ડાયનામિક્સ ઇંકનું મુખ્યાલય અમેરિકાના પિટ્સબર્ગમાં છે, આ કંપની બેટરી સંચાલિત પેમેન્ટ કાર્ડની ડિઝાઇનિંગ અને મેન્યુફેક્ચરિંગ કરે છે.