સેલરી સાથે જબરદસ્ત સુવિધાઓ પણ આપે છે આ કંપનીઓ

નોકરીની જ્યારે વાત આવે ત્યારે સૌથી પહેલા વિચાર પગારનો આવે છે. દરેક વ્યક્તિ ત્યાં જ નોકરી કરવા ઈચ્છે છે, જેમાં સારી સેલરી મળતી હોય. જોકે, સમયની સાથે લોકોના આ વિચારમાં પણ ફેરફાર જોવા મળે છે. હવે લોકો એવી નોકરી પસંદ કરે છે, જેમાં સારી સેલરીની સાથે સારી સુવિધા મળતી હોય. આવો જાણીએ એવી કેટલીક કંપનીઓ વિશે જે કર્મચારીઓને કેવી સુવિધા પણ આપે છે.

એપલના કર્મચારીઓને એપલ પ્રોડક્ટ ખરીદવા પર સારૂ ડિસ્કાઉન્ટ આપવામાં આવે છે. જોકે, આ ડિસ્કાઉન્ટ કેટલું હશે તે કર્મચારીના ડેઝિગ્નેશન પર નિર્ભર કરે છે. આ સિવાય ગૂગલ મેરિડ કપલ્સને કેટલીક ફેમિલી પ્લાનિંગ સ્કીમ પણ ઓફર કરે છે.

જો તમે ફેસબુકમાં ઈન્ટર્ન કરી રહ્યા છો તો, તમારી માટે કંપની તરફથી રહેવાની ફ્રી વ્યવસ્થા કરવામાં આવશે. આ સિવાય ફેસબુક પોતાના કર્મચારીઓને મેટરનીટી અથવા પેટરનીટીની પણ સુવિધા આપે છે, જેમાં 4000 ડોલર બેબી કેશ પણ સામેલ છે.

દુનિયાભરમાં ગૂગલને તેના કામ માટે ઓળખવામાં આવે છે, પરંતુ બહુ ઓછા લોકો જાણતા હશે કે, ગૂગલ પોતાને ત્યાં કામ કરતા કર્મચારીઓનું પણ ખુબ ધ્યાન રાખે છે. ગૂગલ દર રોજ પોતાના કર્મચારીઓને ફ્રીમાં ખાવાનું આપે છે. એટલું જ નહી, જો ગૂગલમાં કામ કરતા કોઈ કર્મચારીનું મૃત્યું થઈ જાય તો કંપની તેની પત્ની અથવા પતિને 10 વર્ષ સુધી મૃતક કર્મચારીની સેલરીના 50 ટકા રકમ 10 વર્ષ સુધી આપે છે.

કર્મચારીની ક્રિએટિવિટી અને ફોકસ વધારવા માટે માઈક્રોસોફ્ટ અલગ અલગ રીત અપનાવે છે. તેની માટે માઈક્રોસોફ્ટે પોતાના રેડમંડ કેમ્પસમાં ટ્રીહાઉસ વર્કસ્પેસનું નિર્માણ કરાવ્યું છે. કર્મચારીને અહીં કામ કરવું ખુબ પસંદ છે.