1 શેર પર 26 રૂપિયા સુધી ડિવિડન્ડ આપશે આ 6 કંપની, આગામી સપ્તાહમાં રેકોર્ડ ડેટ

નવી દિલ્હીઃ શેરબજારના રોકાણકારો માટે સારા સમાચાર છે. 6 કંપનીઓ શેરબજારમાં આ સપ્તાહે એક્સ-ડિવિડન્ડના રૂપમાં ટ્રેડ કરશે. આ 6 કંપનીઓમાં એસબીઆઈ કાર્ડ, એન્જલ લન પણ સામેલ છે. આવો જાણીએ કે કઈ કંપની ક્યારે અને કેટલું ડિવિડન્ડ આપશે.

1. હિન્દુસ્તાન ઝિંક - કંપનીએ શેરબજારને આપેલી જાણકારીમાં જણાવ્યું કે, 26 રૂપિયા ડિવિડન્ડ આપવામાં આવશે. આ માટે કંપનીએ 29 માર્ચ 2023એ રેકોર્ડ ડેટ નક્કી કરી છે. આ દિવસે એક્સ-ડિવિડન્ડના રૂપમાં ટ્રેડ કરશે. જાણકારી અનુસાર, શુક્રવારે હિન્દુસ્તાન ઝિંકના 1 શેરની કિંમત 0.92 ટકાની તેજીની સાથે 323.15 રૂપિયાના સ્તર પર પહોંચી હતી.

2. SBI કાર્ડ્સ એન્ડ પેમેન્ટ લિમિટેડ - આ કંપની 10 રૂપિયાની ફેસ વેલ્યૂવાળા દરેક શેર પર 2.50 રૂપિયાનું ડિવિડન્ડ આપશે. કંપની 29 માર્ચે શેરબજારમાં એક્સ ડિવિડન્ડના રૂપમાં ટ્રેડ કરશે. જાણકારી અનુસાર, શુક્રવારે કંપનીનો શેર 0.28 ટકાની તેજીની સાથે 723 રૂપિયાના સ્તર પર બંધ થયો હતો.

3. બ્રાન્ડ કોન્સેપ્ટ - કંપનીના બોર્ડે 30 માર્ચે 2023ને રોકોર્ડ ડેટ તરીકે નક્કી કરી છે. કંપની 29 માર્ચે શેરબજારમાં એક્સ ડિવિડન્ડના રૂપમાં ટ્રેડ કરશે. જાણકારી અનુસાર, 10 રૂપિયાની ફેસ વેલ્યૂવાળા 1 શેર પર 0.50 રૂપિયાનું ડિવિડન્ડ રોકાણકારોને આપશે.

4. એન્જલ વન લિમિટેડ - કંપનીએ નાણાકીય વર્ષ 2022-23 માટે 10 રૂપિયાની ફેસ વેલ્યૂવાળા 1 શેર પર 9.60 રૂપિયાનું ડિવિડન્ડ આપવાનો નિર્ણય કર્યો છે. આ માટે કંપનીએ 31 માર્ચ 2023ની તારીખને રેકોર્ડ ડેટ તરીકે નક્કી કરી છે.

5. ક્રિસિલ લિમિટેડ - શુક્રવારે 2.23 ટકાના ઘટાડા સાથે કંપનીના શેર 3050 રૂપિયાના સ્તર પર આવીને બંધ થયા હતા. કંપનીની તરફથી યોગ્ય રોકાણકારોને પ્રતિ શેર 23 રૂપિયાનું ડિવિડન્ડ આપવામાં આવશે. જાણકારી અનુસાર, ક્રિસિલ 31 માર્ચ 2023ના રોજ એક્સ ડિવિડન્ડના રૂપમાં ટ્રેડ કરશે.

6. ઈન્દ્રપ્રસ્થ ગેસ લિમિટેડ - કંપનીએ આ નાણાકીય વર્ષનું અંતરિમ ડિવિડન્ડ આપવાનો નિર્ણય કર્યો છે. રોકાણકારોને 10 રૂપિયા પ્રતિ શેરના હિસાબથી ડિવિડન્ડ આપવામાં આવશે. જાણકારી અનુસાર, શેરબજારમાં કંપની 31 માર્ચ 2023ના રોજ એક્સ ડિવિડન્ડના રૂપમાં ટ્રેડ કરશે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)