31 માર્ચ પહેલા પતાવી લો Income Taxને લગતા આ 5 કામ, નહિ તો દંડ ભરવા માટે રહો તૈયાર

નવી દિલ્હીઃ નાણાંકીય વર્ષનો અંતિમ દિવસ એટલે કે 31મી માર્ચ સામાન્ય રીતે આવકવેરા અને વર્ષના પરિણામો માટે મહત્વની તારીખ કહેવાય છે પરંતુ આ તારીખ અનેક પ્રકારની ડેડલાઈન લઈને આવી છે. 31મી માર્ચ, 2023નું મહત્વ પાનકાર્ડને આધારકાર્ડ સાથે લિંક કરવા સિવાય પણ અન્ય બાબતો માટે પણ જરૂરી છે.

નાણાંકીય વર્ષ 2022-23ના અંતમાં હવે થોડા દિવસો બાકી છે. ત્યારે ઘણા ટેક્સ -સંબંધિત કાર્યો છે જે તમારે કોઈપણ છેલ્લી ઘડીની ઉતાવળ અથવા દંડને ટાળવા માટે તાત્કાલિક પૂર્ણ કરવા જોઈએ.

1 એપ્રિલથી નવું નાણાંકીય વર્ષ 2023-24 શરૂ થશે. નાણાંકીય વર્ષ 2022-23માં કરદાતાઓએ અનેક નાણાકીય કાર્યો પુરા કરવા જરૂરી છે. તો આવો જાણીએ ઈન્કમ ટેક્સ સિવાય કયા ટોચના 5 કાર્યો છે જે 31 માર્ચ પહેલા પૂર્ણ કરવા આવશ્યક છે નહીં તો પેનલ્ટી ચૂકવવી પડી શકે છે.

ઉંચા-વીમા પ્રીમિયમ પોલિસી પર ટેક્સ મુક્તિ અને ફોર્મ 12BB સબમિટ કરો : વાર્ષિક રૂ. 5 લાખથી વધુનું પ્રીમિયમ ધરાવતી વીમા પોલિસી જો તમારી પાસે હોય તો 1 એપ્રિલ પછી પાકતી મુદતની રકમ પર કોઈ કરમુક્તિ નહીં મળે. બજેટ 2023ની જાહેરાત મુજબ રૂ. 5 લાખથી વધુ વાર્ષિક પ્રીમિયમ ધરાવતી વીમા પોલિસી નવા નાણાંકીય વર્ષમાં કરપાત્ર બની જશે તેથી, તમે 31 માર્ચ પહેલા પ્રીમિયમની ચુકવણી પૂર્ણ કરીને ટેક્સ બચાવી શકો છો. જોકે આ નિયમ યુનિટ-લિંક્ડ ઈન્સ્યોરન્સ પ્લાન્સ (ULIP) પર લાગુ થશે નહીં. તમે આ નવા નિયમ વિશે અહીં વધુ વાંચી શકો છો. જો તમે પગારદાર કર્મચારી છો, તો તમારે નાણાંકીય વર્ષ 2022-23 માટે 31 માર્ચ પહેલા તમારા એમ્પ્લોયરને ફોર્મ 12BB સબમિટ કરવું આવશ્યક છે. આ તમને રોકાણ અને ખર્ચ પર ટેક્સ બેનિફિટ ક્લેયમ કરવા સક્ષમ બનાવશે. ફોર્મ 12BBમાં તમારે HRA, LTC, હોમ લોનના વ્યાજની ચુકવણી વગેરે જેવી વિગતો શામેલ કરવી જોઈએ.

PAN-આધાર લિંક - પાના કાર્ડ અને આધાર કાર્ડને લિંક કરવાની પણ છેલ્લી તારીખ 31 માર્ચ છે. દેશના લગભગ 20 ટકા પાન કાર્ડ યુઝર્સોએ તેમના PANને તેમના આધાર સાથે લિંક કર્યા નથી. જો તમે પણ PAN-Aadhaar લિંક કર્યું નથી તો તમે 1000 રૂપિયાની ફી ભરીને 31 માર્ચ સુધી લિંક કરી શકો છો. જો તમે લિંક નહીં કરાવો તો 1 એપ્રિલથી તમારું PAN નિષ્ક્રિય થઈ જશે.

એડવાન્સ ટેક્સ ભરો - તમામ કરદાતાઓ જેમની વાર્ષિક કર જવાબદારી(Tax Liability) TDS/TCS અને MAT બાદ કર્યા પછી રૂ. 10,000થી વધુ છે તેમણે ચાર હપ્તામાં એડવાન્સ ટેક્સ ચૂકવવો જરૂરી છે. કરદાતાઓએ નાણાંકીય વર્ષ 2022-23 માટે 15 માર્ચ, 2023 સુધીમાં 100% એડવાન્સ ટેક્સ ચૂકવવો જરૂરી હતો. જો તમે 15મી માર્ચ સુધીમાં એડવાન્સ ટેક્સ ન ભર્યો હોય તો તમારે તેને 31 માર્ચ સુધીમાં ચૂકવવો જોઈએ. આવકવેરા વિભાગના જણાવ્યા અનુસાર, એડવાન્સ ટેક્સની ઓછી ચૂકવણી કે ચૂકવણી ન કરવા પર વ્યાજ વસૂલવામાં આવશે. એડવાન્સ ટેક્સ પેમેન્ટ્સ વિશે વધુ વિગત અહીં વધુ વાંચો.

ટેક્સ સેવિંગ ઈન્વેસ્ટમેન્ટ : નાણાંકીય વર્ષ 2022-23 માટે ટેક્સ સેવિંગ રોકાણો કરવાની છેલ્લી તારીખ માર્ચ 31 છે. તમે આવકવેરા કાયદાની કલમો જેમ કે 80C અને 80D હેઠળ કપાત માટે લાયક હોય તેવી યોજનાઓમાં રોકાણ કરીને રૂ. 1.5 લાખ સુધીના ડિડક્શન માંગી શકો છો. ટેક્સ સેવિંગ રોકાણોની છેલ્લી તારીખ વિશે અહીં વધુ વાંચો.

અપડેટ કરેલ ITR ફાઈલ કરો : AY 2020-21 માટે અપડેટેડ ITR ફાઈલ કરવાની છેલ્લી તારીખ 31મી માર્ચ 2023 છે. તમારે આ છેલ્લી તક ગુમાવવી જોઈએ નહીં. AY 2021-22 અને 2022-23 માટે અપડેટ કરેલ ITR પણ 31મી માર્ચ સુધીમાં ફાઈલ કરી શકાય છે, જેથી પાછળથી વધુ ટેક્સ ચૂકવવો ન પડે. અપડેટેડ ITR વિશે અહીં વધુ વાંચો.