Business Ideas: પોતાનો ધંધો કરવાનો વિચાર હોય તો ગુજરાતમાં આ 10 બિઝનેસમાં છે બારેમાસ કમાણી

લગભગ 60 મિલિયન લોકોની વસ્તી સાથે ગુજરાત ભારતના જીડીપીનો ત્રીજો સૌથી મોટો સ્ત્રોત છે. ગુજરાતીઓ વેપારી તરીકે ઓળખાય છે, જેમણે ભારતના કેટલાક મોટા ઉદ્યોગોની સ્થાપના કરી છે. ગુજરાતમાં ખેતી, ઔદ્યોગિક સેવા અને સૌથી નોંધપાત્ર રીતે નવી કંપનીઓનો વૃદ્ધિ દર મજબૂત છે. ઉત્તમ રોડ નેટવર્ક અને પરિવહન, સંદેશાવ્યવહાર અને અત્યાધુનિક ટેકનોલોજીના વિશાળ પ્લેટફોર્મની ઍક્સેસ આ સમૃદ્ધિ માટેના મુખ્ય પરિબળો છે. ત્યારે જો તમે પણ બિઝનેસ શરુ કરવા માંગતા હોવ, તો અહીં ઓછી મૂડી (Small Business Ideas In Gujarat) પર શરુ કરી શકાય એવા બિઝનેસ આઈડિયા જણાવવામાં આવ્યા છે.

નર્સરી- ગુજરાત એક એવું રાજ્ય છે, જ્યાં ઘણા લોકો બાગકામના શોખીન છે. તમે વિવિધ છોડ અને એસેસરીઝ વેચવા માટે તમારી પોતાની નર્સરી શરૂ કરી શકો છો. તે સુરતમાં પણ શ્રેષ્ઠ બિઝનેસ આઈડિયા પૈકી એક છે.

જામ અને અથાણું- જો તમે સ્વાદિષ્ટ અથાણાં અને જામ કેવી રીતે બનાવવા તે જાણો છો, તો તમે ગુજરાતમાં અથાણાંનો વ્યવસાય શરૂ કરી શકો છો. કારણ કે ગુજરાતના લોકો દરરોજ તેમના ભોજન સાથે અથાણાં ખાવા ટેવાયેલા છે. તેથી તે તમારા માટે ગુજરાતમાં શરૂ કરવા માટેનો શ્રેષ્ઠ વ્યવસાય બની શકે છે.

પાલતું પ્રાણીઓની સંભાળ (પેટ કેર)- જે લોકો પ્રાણી પ્રેમીઓ હોય છે, તેમના માટે આ શ્રેષ્ઠ વિકલ્પોમાંથી એક છે. જો તમે જુદા જુદા લોકોના પાલતુ પ્રાણીઓની રાખવા માટેનો શોખ ધરાવતા હોય તો તેમની સંભાળ રાખવા માટે તમે તમારા વિસ્તારમાં પાલતુ સંભાળ સેવા શરૂ કરી શકો છો. તે સ્ટ્રેસ બસ્ટર તરીકે પણ કામ કરી શકે છે.

સુગંધિત મીણબત્તી- જો તમે ગુજરાતમાં કેટલાક શ્રેષ્ઠ મેનુફેક્ચરિંગ વ્યવસાય શરૂ કરવા માંગતા હોવ, તો તમે સુગંધિત મીણબત્તીઓ કે અગરબત્તીનો વ્યવસાય જાતે જ શરૂ કરી શકો છો. હાલમાં તે દરેક જગ્યાએ વેચવા માટે ખૂબ જ સારી વસ્તુ છે.

બેકરી- દરેક વ્યક્તિને સ્વાદિષ્ટ કેક ગમે છે અને જો તમે શ્રેષ્ઠ અને બેસ્ટ કેક બનાવી શકો છો, તો તમે તેમાં ખરેખર સારી કમાણી કરી શકો છો. જો તમે તેને અનોખી રીતે કેક બનાવવાની શરૂઆત કરો તો તે ગુજરાતના નવા બિઝનેસ આઈડિયામાંનો એક છે.

આઇસ ક્યુબ- આઇસ ક્યુબ્સ બનાવવું એટલું સરળ નથી, પરંતુ જો તમે તેને કેવી રીતે બનાવતા અને તેને યોગ્ય રીતે સાચવવાની રીત જાણો છો, તો તમે આ વ્યવસાય ગુજરાતમાં શરૂ કરી શકો છો.

ટ્રાવેલ એજન્સી- જો તમે ગુજરાતમાં કોઈ વ્યવસાય શરૂ કરવા માંગતા હોવ, તો ટ્રાવેલ એજન્સી ખોલવી એ એક સારો વિચાર હોઈ શકે છે. જો તમે વિશ્વભરના વિવિધ સ્થળો વિશે જાણો છો, તો આ બિઝનેસ કરવો તમારા માટે વધારાનો લાભદાયી થઈ શકે છે.

ફર્નિચર સ્ટોર- જો તમે સ્વતંત્ર રીતે નાનો વ્યવસાય શરૂ કરવા માંગતા હોવ તો ફર્નિચર રિસ્ટોરિંગ બિઝનેસ સારો હોઈ શકે છે. તમારે ફક્ત જૂના ફર્નિચરને રિપેર કરીને તેને વધુ સારું બનાવવાનું છે. ત્યારબાદ તેને તમે વેચી શકો છો.

ઇવેન્ટ મેનેજમેન્ટ- ગુજરાત એક એવું સ્થાન છે, જ્યાં ઘણી બધી વ્યવસાયિક ઘટનાઓ તેમજ અનેક જાતના પ્રસંગ ઉજવાય છે. જો તમે પ્રસંગને કેવી રીતે મેનેજ કરવું તે આવડતું હોય તો તમે આ બિઝનેસમાં ઝંપલાવી શકો છો. આ ગુજરાતમાં ખૂબ જ સરસ ઓછા રોકાણનો વ્યવસાય બની શકે છે.

પૂજાની વસ્તુઓ- ગુજરાતીઓ ઘણા ધાર્મિક હોય છે. જો તમે ગુજરાતમાં શ્રેષ્ઠ ઉત્પાદન કરનાર વ્યવસાય શરૂ કરવા માંગતા હોવ, તો તમે પૂજાની વસ્તુઓના ઉત્પાદનનો વ્યવસાય કરી શકો છો અને તેથી જ તે તમને સારી કમાણી અપાવી શકે છે