Business Idea: આપત્તિને અવસરમાં ફેરવી, કોરોનાકાળમાં આ યુવાનોએ ઘરની છત પર કેસર ઉગાડ્યું; લાખોમાં કરી કમાણી

હરિયાણાના હિસાર જિલ્લાના કોથકલા ગામમાં રહેનારા નવીન અને પ્રવીણે કોરોનાવાયરસ કટોકટીને પોતાના માટે આપત્તિમાં તક જેવી બનાવી દીધી. કોરોના વાયરસને રોકાવા માટે કરવામાં આવેલા લોકડાઉનમાં બંનેએ નોકરી છોડીને પોતાના ઘરની છત પર 15 સીટની જગ્યામાં કેસરની ખેતી કરવાનું શરૂ કર્યું. લોકડાઉન દરમિયાન નવીન અને પ્રવીણે છત પર કેસરની ખેતી એક પ્રયોગ તરીકે કરી હતી, તેમમે એયરોપોનિક પદ્ધતિથી તેમના ઘરની છત પર કેસરની ખેતી કરી અને તેનાથી તેમણે 6થી 9 લાખ રૂપિયાની કમાણી કરી છે.

ભારતમાં કેસરની ખેતી મુખ્ય રૂપથી જમ્મું અને કશ્મીરમાં થાય છે. હરિયાણાના આ યુવાનોએ તેમના ઘરની છત પર એયરોપોનિક પદ્ધતિથી કેસરની ખેતી કરી. જો દુનિયાની વાત કરીએ તો ઈરાન, સ્પેન અને ચીનમાં એયરોપોનિક પદ્ધતિથી કેસરની ખેતી કરવામાં આવે છે. ભારતમાં કેસરની ખેતી માત્ર જમ્મુ કશ્મીરમાં થાય છે, જ્યારે દેશ અને વિદેશમાં તેની ઘણી માંગ છે.

નવીન અને પ્રવીમે સૌથી પહેલા યૂટ્યૂહ પર કેસરની ખેતી કરવાની રીત જોઈ. ત્યારબાદ તે જમ્મુઅ અને કશ્મીર જઈને 250 રૂપિયા પ્રતિ કિલોના હિસાબથી કેસરના બીજ લઈને આવ્યા. તેમણે 100 કિલોગ્રામ કેસના બીજ ખરીદ્યા. પછી તેઓએ ઘરની છત પર 15 બાય 15 ફૂટના ભાગમાં ખેતી શરૂ કરી.

તેમની કેસરની ખેતી ઓગસ્ટથી નવેમ્બર 2020ની વચ્ચે પૂરી થઈ ગઈ. નવીન અને પ્રવીણે ડોઢ કિલો કેસર ઉગાડ્યું. શરૂઆતમાં તેમને 6થી 9 લાખ રૂપિયા મળ્યા. આ સમયે બજારમાં કેસરની કિંમત ₹300000 પ્રતિ કિલો છે.

પ્રવીણ અને નવીને તેમની આ ખેતી વિશે કહ્યુ કે, ઘરની છત પર કેસરની ખેતીનો આ પ્રોજેક્ટ 7થી 10 લાખ રૂપિયામાીં શરૂ થઈ શકે છે. આ માટે ઘણા પ્રકારના મશીન લગાવવામાં આવ્યા અને ઘરની છત પર તાપમાનને નિયંત્રિત કરવાની વ્યવસ્થા પણ કરવામાં આવી.

સૌથી મોટી વાત તો એ છે કે, ખેડૂતો તેમના ઘરમાં જ કેસરની ખેતી કરી શકે છે. જો ખેડૂત યોગ્ય રીતે ઘરની છતનો ઉપયોગ કરે તો, તેનાથી વાર્ષિક 10થી 20 લાખ રૂપિયાની કમાણી થઈ શકે છે.

કેસરની ખેતી માટે દિવસનું તાપમાન 20 ડિગ્રી સેલ્સિયસ હોવું જોઈએ. રાતમાં આ તાપમાન 10 ડિગ્રી સેલ્સિયસની આસપાસ હોવું જોઈએ. તેની સાથે જ ભેજ 90 ટકા હોવો જોઈએ. કેસરની ખેતીને થોજા તાપની પણ જરૂર છે. જો તાપ નથી તો તેને લાઈટની મદદથી પ્રકાશ આપી શકાય છે. તમારે એ વાતનું ધ્યાન રાખવું જોઈએ કે, બલ્બ બેક્ટેરિયા મુક્ત હોય, તેની સાથે તમે થર્મોકોલનો પણ ઉપયોગ કરી શકો છો.

સેફ્રોન કે કેસરની મદદથી સાબુ, તેલ, ફેસ માસ્ક વગેરે બનાવી શકાય છે. તેની સાથે જ ખાવા-પીવાની ઘણી વાનગીઓમાં કેસરનો ઉપયોગ થાય છે. બજારમાં કેસરની મોટી માંગ છે. કેસર ગર્ભતવી મહિલાઓ અને વૃદ્ધો માટે ઘણું ફાયદેમંદ છે. તેની સાથે જ કેસરનો ઉપયોગ કેન્સર, હ્રદયની બીમારી અને કફમાં પણ કરવામાં આવે છે.

કેસરની ખેતીથી સારી કમાણી થઈ શકે છે. તમે કોઈપણ નજીકના માર્કેટમાં તેને ખૂબ જ સારી કિંમતે વેચી શકો છો. આ ઉપરાંત તમે કેસરને ઓનલાઈન પણ વેચી શકો છો. જો તમે કેસરની ખેતી કરીને મહિનામાં બે કિલો કેસર વેચી લો છો તો તમે દરેક મહિનામાં 6 લાખ રુપિયાની કમાણી કરી શકો છો. તેમજ જો તમે મહિનામાં 1 કિલો કેસરનો પાક તૈયાર કરીને વેચો છો તો 3 લાખ રુપિયા સુધીની કમાણી થઈ શકે છે.