ઓનલાઈન ગેમ રમતા લોકો હવે થઈ જજો સાવધાન, 1 એપ્રિલથી લાગૂ થશે આ નવો નિયમ

નવી દિલ્હીઃ ફાઈનાન્સ બિલ 2023માં કરવામાં આવેલા ફેરફાર પ્રમાણે, ઓનલાઈન ગેમિંગ એપ્લિકેશન પર TDS 1 જુલાઈ 2023ની જગ્યાએ હવે 1 એપ્રિલ 2023થી અમલી થશે. બજેટ 2023માં આ અંગે જાહેરાત કરવામાં આવી હતી, નાણાકીય વર્ષ 2023-24 માટે ઓનલાઈન ગેમિંગ પર ટીડીએસ 1 જુલાઈ, 2023થી લાગુ થશે. જો કે, સરકારે શુક્રવારે લોકસભામાં ફાઈનાન્સ બિલ પાસ કરતા સમયે તારીખમાં ફેરફાર કર્યો છે.

ગેમિંગ ઈન્ડસ્ટ્રીના પ્રતિનિધિત્વને ધ્યાનમાં રાખતા IndusLawના પાર્ટનર શશિ મેથ્યૂઝે કહ્યું કે, સરકારે 1 એપ્રિલથી ઓનલાઈન ગેમિંગ પર લાગુ થનારા નવા ટીડીએસ દરખાસ્ત કરવાનો પ્રસ્તાવ રાખ્યો હતો.

બજેટ 2023માં રાખવામાં આવ્યો પ્રસ્તાવ - રિટર્ન ફાઈલ કરતા સમયે ઓનલાઈન ગેમિંગથી થયેલી આવક જાહેર ન કરવાના કિસ્સામાં, ઓનલાઈન ગેમિંગ પર ટીડીએલ બમણાં દરથી લાદવાનો પ્રસ્તાવ પણ કરવામાં આવ્યો હતો. ગત એક વર્ષ સુધી ટીડીએસ 5,000 રૂપિયા સુધી કાપવામાં આવતો હતો.

એવું લાગી રહ્યું છે કે, આ સંશોધનો હવે સ્વીકાર કરી લેવામાં આવ્યા છે. તેના માટે ગેમિંગ ઓપરેટરોને આ જોગવાઈનું પાલન કરવા માટે હવે વપરાશકર્તાઓએ જરૂરી પુરાવા માંગવાની જરૂર પડી શકે છે. બજેટ 2023માં ઓનલાઈન ગેમિંગ પર ટીડીએસ કપાતના પુનર્ગઠનનો પ્રસ્તાવ રાખવામાં આવ્યો હતો.

કેટલો કપાશે ટીડીએસ? - વર્તમાનમાં ઓનલાઈન ગેમમાં જીતવા પર ટીડીએસ લાગું થાય છે. જો જીતની રકમ એક નાણાકીય વર્ષમાં 10,000 રૂપિયાથી વધારે થઈ જાય. જો કે, રિસર્ચ બાદ ઓનલાઈન ગેમ પર જીતની દરેક રકમ પર હવે ટીડીએસ કાપવામાં આવશે. ઓનલાઈન ગેમથી જીતની રકમ પર 30 ટકાના રેટથી ટીડીએસ કાપવામાં આવશે. આ નિયમ 1 એપ્રિલ 2023થી લાગુ થશે. ઓનલાઈન ગેમિંગ સેક્ટર આ પગલાનું સ્વાગત કરતા કહે છે કે, ઓનલાઈન ગેમિંગ પર ટેક્સ કેવી રીતે લગાવવામાં આવે છે, તે સમજવું બધા માટે સરળ થઈ જશે.