આ કંપની આપશે ઈતિહાસનું સૌથી મોટું ડિવિડન્ડ, 1 શેર પર મળશે આટલા રૂપિયા? જલ્દીથી ખરીદી લો

નવી દિલ્હીઃ સામાન્ય લોકોને લાગે છે કે, શેર ખરીદવા પર માત્ર તેનો ભાવ વધાવા પર જ રૂપિયા બને છે. પરંતુ એવું નથી, કારણ કે એક અન્ય રીતે એવી છે, જેનાથી રોકાણકારોને તગડી કમાણી થઈ શકે છે અને તે છે ડિવિડન્ડ. દરેક કંપની શેરધારકોને ડિવિડન્ડ આપે છે. કુકર બનાવતી કંપની હોકિન્સ ભારતમાં વર્ષોથી પ્રખ્યાત છે. આ કંપનીએ તેના શેરધારકોને ડિવિડન્ડ આપીને માલામાલ કરી દીધા છે. કંપનીએ તેના હજુ સુધીના ઈતિહાસના સૌથી મોટા ડિવિડન્ડની જાહેરાત કરી દીધી છે.

કુકર બનાવતી કંપની હોકિન્સે શેરધારકો માટે સૌથી મોટા ડિવિડન્ડની જાહેરાત કરી છે. તેનો નફો 6.7% ટકા વધીને 22.8 કરોડ રૂપિયા થઈ ગયો છે. આ પહેલા તે 21.4 કરોડ રૂપિયા હતો. હોકિન્સ કુકરે 24મે પ્રતિ ઈક્વિટી શેર પર 100 રૂપિયાનું ડિવિડન્ડ આપવાની જાહેરાત કરી છે.

9 ઓગસ્ટે થનારી બેઠકમાં મળશે મંજૂરી- હોકિન્સે એક્સચેન્જને આપેલી સૂચનામાં કહ્યું કે,‘કંપનીના બોર્ડ ઓફ ડિરેક્ટર્સે 31 માર્ચ, 2023ના રોજ સમાપ્ત નાણાકીય વર્ષ માટે 10 રૂપિયા પ્રતિ ઈક્વિટી શેરની ફેસ વેલ્યૂ પર 100 રૂપિયા ડિવિડન્ડની ચૂકવણી કરવાની જાહેરાત કરી છે. જો કે, આ શેરધારકોની મંજૂરીને આધીન છે. આ પ્રસ્તાવને 9 ઓગસ્ટે યોજાનારી 63મી વાર્ષિક એજીએમમાં ​​મંજૂરી આપવામાં આવશે. કંપનીએ કહ્યું કે ડિવિડન્ડ 8 સપ્ટેમ્બર 2023 સુધીમાં ચૂકવવામાં આવશે.

હોકિન્સ કુકર્સે માર્ચ ક્વાટરના પરિણામોની જાહેરાત કરી છે. આ ક્વાટરમાં કંપનીને 21.37 કરોડ રૂપિયાનો નફો થયો છે. જો કે, કંપનીની કુલ આવક 271.83 કરોડ રૂપિયાથી ઘટીને 253.85 કરોડ રૂપિયા રહ્યો છે. તેના સાથે જ કંપનીએ 100 રૂપિયા પ્રતિ શેર ડિવિડન્ડની જાહેરાત કરી છે.

હોકિન્સના શેર હાલ 6330 રૂપિયાના સ્તપ પર કારોબાર કરી રહ્યા છે. ગત એક વર્ષમાં આ શેરે 20 ટકાથી વધારે વળતર આપ્યું છે. 26મે 2022ના રોજ આ શેર 5250 રૂપિયાના સ્તર પર હતા. ખાસ વાત તો એ છે કે, કંપનીએ ગત વર્ષે જુલાઈમાં 60 રૂપિયા ડિવિડન્ડ આપવાની જાહેરાત કરી છે. એટલે કે વળતરની સાથે-સાથે કંપનીએ ડિવિડન્ડ દ્વારા પણ રોકાણકારોને મોટી કમાણી કરાવી છે.

(ડિસ્ક્લેમરઃ અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)