ટાટાનો આ શેર રોકેટ બની રુ.3,000ને પાર જવાની શક્યતા, એક્સપર્ટ બોલ્યા અત્યારે સસ્તો છે ખરીદી લો

છેલ્લા એક વર્ષથી ટાટાની ટાઈટન કંપની લિમિટેડ (Titan Company)ના શેરમાં વેચવાલીનો માહોલ જોવા મળી રહ્યો છે. જોકે, હવે શેરમાં તેજી થવાની સંભાવના છે. હાલના સ્તરે ટાઈટનના શેરની ખરીદીમાં ઉછાળો આવી શકે તેવી ગ્લોબલ બ્રોકરેજ જેપી મોર્ગનને આશા છે કે. જેપી મોર્ગનના રિપોર્ટ અનુસાર માર્ચ 2024 સુધીમાં આ શેર 3 હજાર રૂપિયાના સ્તરે પહોંચી શકે છે.

હાલમાં આ શેરની કિંમત શું છે? -સપ્તાહના છેલ્લા કારાબોરી દિવસે આ શેર 2,470 રૂપિયાના સ્તરે હતો. એક દિવસ પહેલાની સરખામણીએ આ શેરમાં 0.50 ટકા સુધીની તેજી જોવા મળી છે. બ્રોકરેજના અનુમાન અનુસાર જોવામાં આવે તો આ શેરમાં 20 ટકાથી વધુની તેજી આવવાની સંભાવના છે.

બ્રોકરેજનો મત- જેપી મોર્ગનના રિપોર્ટમાં જણાવવામાં આવ્યું છે કે, આ માર્જિન 12થી 13 ટકા પર સ્થિર રહેશે. હાલના માહોલ અનુસાર નકારાત્મક જોખમની સાથે આવકમાં વૃદ્ધિ થવાની સંભાવના છે. આનંદ રાઠીના ગણેશ ડોંગરે જણાવે છે કે, ચાર્ટ પેટર્ન ટાઈટન પ્રતિ શેરની કિંમત 2,300 રૂપિયાથી 2,600 રૂપિયાની રેન્જમાં છે. 2,600ના સ્તરને પાર કરી જશે તો આ શેર રોકેટ બની શકે છે.

જે લોકોએ આ શેર ખરીદ્યો છે, તેઓ પ્રતિ શેર 2,300 રૂપિયાના સ્તરે સ્ટોપ લોસ પર હોલ્ડ કરી શકે છે. ભારતીય શેરબજારમાં આ શેરના નબળા પ્રદર્શનને કારણે આ શેર 2,300 રૂપિયાના સ્તરથી નીચે જઈ શકે છે અને 2,000 રૂપિયાના સ્તર પર અટકી શકે છે. બ્રોકરેજે લોન્ગ હોલ્ડની સલાહ આપી છે.

રેખા ઝુનઝુનવાલાની આ શેરમાં ભાગીદારી - દિવંગત રાકેશ ઝુનઝુનવાલાના પત્ની રેખા ઝુનઝુનવાલાએ આ શેરમાં રોકાણ કર્યું હતું. ડિસેમ્બર ક્વાર્ટરની પેટર્ન જોવામાં આવે તો રેખા ઝુનઝુનવાલા પાસે આ કંપનીના 4,58,95,970 શેર છે, જે આ કંપનીની કુલ મૂડીનો 5.17 ટકા ભાગ છે.

ટાઈટન કંપની લિમિટેડ વિશે ટૂંકમાં માહિતી- 38 વર્ષ પહેલા ટાઈટન વોચિસ લિમિટેડ નામથી કંપનીની શરૂઆત કરવામાં આવી હતી. આ કંપની શેરબજારમાં લિસ્ટ થયા બાદ રોકાણકારોને તગડો ફાયદો કરાવ્યો છે. નાણાંકીય વર્ષ 2022માં આ કંપનીની રેવન્યૂ 29,033 કરોડ રૂપિયા હતી. ટાઈટનની માર્કેટ કેપ 2.20 લાખ કરોડ રૂપિયા છે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)