Tata Motors: વર્ષ 2022માં ટાટા મોટર્સ લોન્ચ કરી શકે છે 6 નવી SUV, જાણો સંભવિત ફીચર્સ

નવી દિલ્હી: ટાટા મોટર્સ (Tata Motors) વર્ષ 2022 માટે ભારતમાં તેના કારોના પોર્ટફોલિયો (Car Portfolio) માટે દમદાર યોજના બનાવી રહ્યું છે. નવા પોર્ટફોલિયોમાં પેટ્રોલ વેરિઅન્ટ્સ (Petrol Variants) અને સૌથી વધુ સર્ચ થયેલી ઇલેક્ટ્રિક કાર (Electric Cars)નો પણ સમાવેશ થશે. ટાટા નેક્સન (Tata Nexon) ગત વર્ષે સ્વદેશી ઓટો મેજર માટે સૌથી પ્રભાવશાળી રહી છે. નેક્સન એટલી સફળ રહી કે કંપનીએ ઇવી વેરિએન્ટ પણ લોન્ચ કર્યું છે. અહેવાલો અનુસાર, આ વર્ષે ટાટા મોટર્સ મોટું બેટરી પેક અને શાનદાર માઇલેજ સાથે નવી નેક્સન ઇવી લોન્ચ કરી શકે છે. અનેક અહેવાલો સૂચવે છે કે, ટાટા મોટર્સ ભારતમાં 2022માં આ નવી એસયૂવી (New SUV Launch in 2022) લોન્ચ કરી શકે છે.

ટાટા નેક્સન ઇવી : કોમ્પેક્ટ એસયૂવી પછી સૌથી વધુ માંગમાં રહેલા ટાટા નેક્સન ઇવી ગત વર્ષે ભારતમાં સૌથી ઝડપથી વેચાતી કાર્સ પૈકી એક હતી અને તે બ્રાન્ડના ગ્રોથને આગળ ધપાવવાનું હજુ પણ જાળવી રાખશે. એવી સંભાવના છે કે ટાટા 2022માં ટાટા નેક્સન EVનું નવું વેરિઅન્ટ લોન્ચ કરશે. જેમાં હાલના મોડલની સરખામણીમાં મોટું બેટરી પેક હશે. હાલમાં 312 કિલોમીટરની સરખામણીમાં તે 400 કિલોમીટરની રેન્જને આપે તેવી અપેક્ષા છે.

ટાટા સિયારા ઇવી : ટાટાએ ઓટો એક્સ્પો 2020માં Sierra SUV કોન્સેપ્ટનું પ્રદર્શન કર્યું હતું. અનેક અહેવાલો સૂચવે છે કે, નવી Tata Sierra માત્ર EV-અવતારમાં આવશે. એટલે કે તે પરંપરાગત પેટ્રોલ અને ડીઝલ એન્જિન સાથે નહીં પરંતુ ફક્ત ઇલેક્ટ્રિક વાહન તરીકે વેચવામાં આવશે. આ કાર 5-ડોર એસયૂવી હોઇ શકે છે.

ટાટા સફારી પેટ્રોલ : સફારી 1.5-લિટર ટર્બો-પેટ્રોલ એન્જિનનું પરીક્ષણ કરી રહી છે, જે ટૂંક સમયમાં હેરિયરમાં ઉપલબ્ધ થઇ શકે છે. પ્રાપ્ત અહેવાલ મુજબ, એવી અપેક્ષા છે કે, ટાટા સફારી પેટ્રોલ સમાન પાવર અને ટોર્ક આઉટપુટ અને હેરિયર પેટ્રોલ જેવા જ ટ્રાન્સમિશન વિકલ્પો સાથે ઓફર કરશે.

ટાટા હેરિયર પેટ્રોલ : મિડ-સાઇઝ SUV ફક્ત ડીઝલ એન્જિન વિકલ્પમાં જ ઉપલબ્ધ છે, પરંતુ જો અહેવાલોની માનીએ તો Tata Motors ટૂંક સમયમાં ભારતમાં 2022માં Harrier માટે પેટ્રોલ વેરિઅન્ટ લોન્ચ કરી શકે છે. એવું માનવામાં આવે છે કે એન્જિન નવું 1.5-લિટર ચાર-સિલિન્ડર ટર્બોચાર્જ્ડ પેટ્રોલ લગભગ 160 bhp પાવર જનરેટ કરશે.

ટાટા બ્લેકબર્ડ : ટાટા મોટર્સ કથિત રીતે નવી પ્રીમિયમ કોમ્પેક્ટ એસયૂવી પર કામ કરી રહ્યું છે. આ નવી એસયૂવી હાઇ વિઝ્યુલ અપીલ, સ્પેસ અને સુરક્ષિત હશે. અફવાઓની માનીએ તો ટાટા બ્લેકબર્ડમાં 1.5 લિટર ટર્બો-પેટ્રોલ અને 1.5 લિટર ડિઝન એન્જીન ઓપ્શન ઉપલબ્ધ હશે.

ટાટા પંચ ટર્બો : 2021માં કંપની માટે ટાટા પંચ બીજી સૌથી વધુ વેચાતી કાર હતી. માઇક્રો એસયુવીને ગ્લોબલ NCAP ક્રેશ ટેસ્ટમાં પણ ફાઇવ સ્ટાર રેટિંગ મળ્યું હતું. અમુક ન્યૂઝ પોર્ટલના અહેવાલો અનુસાર કંપની ટાટા પંચની એન્જિન ક્ષમતાને વધારવા અને તેને 2022 માં ટર્બો ફોર્મેટમાં લોન્ચ કરવા માટે કામ કરી શકે છે.