70 હજારમાં શરૂ કરો ટી-શર્ટ પ્રિંટીંગનો બિઝનેસ, દર મહિને થશે રૂ. 40 હજારની કમાણી

કેજ્યુઅલ વેયરમાં અત્યારે પુરૂષ અને મહિલાઓ રંગબેરંગી ટી-શર્ટ યૂઝ કરે છે. મોટી સંખ્યામાં પ્રાઈવેટ અને સરકારી ઓફિસોમાં પણ મોટી સંખ્યામાં આનો ઉપયોગ વધ્યો છે. આના કારણે એવા લોકોને ફાયદો થયો છે, જે લોકો ઓછી મૂડીમાં બિઝનેસ કરવા માંગે છે.

તમને જણાવી દઈએ કે સ્કૂલ, કંપનીઓ હાલમાં વિદ્યાર્થી કે કર્મચારીના કર્મચારીઓના યૂનિફોર્મ માટે ટા-શર્ટ પ્રિંટ કરાવે છે. આ સિવાય કેટલાક શોખિન લોકો પોતાની રીતે પણ ટી-શર્ટ પ્રિટિંગ કરાવીને પહેરતા હોય છે.

આ બિઝનેસમાં ખાસ વાત એ છે કે, આના માટે બહું જ ઓછી મૂડીની જરૂર પડે છે, અને ઘરમાં પણ શરૂ કરી શકાય છે. લગભગ 70 હજારના રોકાણમાં ઘરમાં જ આ કામ તમે શરૂ કરી શકો છો. આ બિઝનેસથી મહિને તમે 40-50 હજાર સુધીની કમાણી કરી શકો છો. જો તમારી પાસે કમ્પ્યુટર હોય તો, આ બિઝનેસ શરૂ કરવાની મૂડી ઓછી થઈ જશે.

મુંબઈની કંપની Indian Dyes Sales Corporationના માલિક બિનય શાહે ન્યૂઝ18 સાથેની વાતચીતમાં કહ્યું કે, કપડાની એક સામાન્ય પ્રિંટિંગ મશીન 50 હજાર રૂપિયામાં આવે છે, પ્રિંટિંગ માટે લેવામાં આવેલ સામાન્ય ક્વોલિટી એક વ્હાઈટ ટી-શર્ટની કિંમત રૂ. 120 અને તેની પ્રિંટીંગ કોસ્ટ 1 રૂપિયાથી લઈને 10 રૂપિયા વચ્ચે આવે છે. જ્યારે તમે આ ટી-શર્ટ પ્રિંટીંગ બાદ રૂ. 200-250માં વેંચી શકો છો.

ખાસ વાત એ છે કે, તમે આની ખરીદી પણ જાતે કરી શકો છો. આના માટે ઓનલાઈનનો ઉપયોગ પણ કરી શકો છો, આ મીડિયમ ઓછા ખર્ચે મળી શકે છે. બસ તમારે આને એક બ્રાંડ બનાવી કોઈ ઈ-કોમર્સ પ્લેટફોર્મ દ્વારા અથવા જાતે વેંચાણ કરી શકો છો.

ટી-શર્ટ પ્રિંટીંગ માટે જરૂરી વસ્તુમાં પ્રિંટર, હીટ પ્રેસ, કમ્પ્યૂટર, કાગળ અને રો-મટિરિયલ માટે ટી-શર્ટની જરૂર હોય છે. હાં, થોડા મોટા બિઝનેસ માટે તમે 2-5 લાખનું રોકાણ કરી શકો છો.

સૌથી સસ્તી મશીન મેન્યુઅલ હોય છે. આના દ્વારા એક ટી-શર્ટ એક મિનીટમાં તૈયાર કરી શકાય છે. આના માટે પહેલા પ્રિંટર દ્વારા સબ્લિમેશન પેપર પર ડિઝાઈનનું પ્રિંટ નિકાળવું પડશે. આ રબર ઈંકથી તૈયાર કરવામાં આવે છે. ત્યારબાદ ટી-શર્ટ પ્રિંટર પર ટેફલોન શીટ રાખવામાં આવે છે. તાપમાન સેટ કર્યા બાદ તેના પર ટી-શર્ટ અને પછી ડિઝાઈન પ્રિંટ કરેલ સબ્લિમેસન પેપર રાખવામાં આવે છે. લગબગ એક મિનિટ બાદ પ્રેસને હટાવી લેવામાં આવે છે અને ટી-શર્ટ પ્રિંટ થઈ જાય છે.

વિનય શાહના જણાવ્યા અનુસાર, એક ટી-શર્ટની સામાન્ય પ્રિંટિંગ પર સામાન્ય રીતે 1 થી 10 રૂપિયાનો ખર્ચ આવે છે. જો તમે થોડી સારી પ્રિંટીંગ કરો છો તો, તેનો ખર્ચ 20 થી 30 રૂપિયા વચ્ચે આવી શકે છે. આ રીતે તમે જો ઓટોમેટિક ડિઝિટલ પ્રિંટીંગ મશીન લાવો છો તો આનો ખર્ચ થોડો વધી જશે.