Suzuki S-Cross 2022: નવી મારુતિ સુઝુકી S-Cross લૉંચ, જુઓ દમદાર ફીચર્સ સાથે રજૂ થયેલી કારની તસવીરો

મુંબઇ. Suzuki S-Cross 2022: સુઝુકીએ Suzuki S-Crossની નવી આવૃત્તિ લૉંચ કરી છે. સુઝુકીએ ગત ડિઝાઈન કરતા હજા હટકે લુકમાં તેને લોંચ કરી છે. નવા વર્ઝનનો દેખાવ ખૂબ જ બોલ્ડ રાખવામાં આવ્યો છે. નવી S-Crossને ભારતમાં મારુતિ-સુઝુકીના પ્રીમિયમ રિટેલ નેટવર્ક નેક્સા મારફતે ભારતીય બજારમાં વેચવામાં આવશે. આ કારને પ્રીમિયમ મૉડલ તરીકે વેચવામાં આવશે. આ પહેલાનું મૉડલ પણ નેક્સા શો રૂમ મારફતે પ્રીમિયમ મૉડલ તરીકે વેચવામાં આવ્યું હતું.

નવી Suzuki S-Cross બહારથી પહેલાની કાર કરતા ખૂબ સ્ટાઇલિશ લાગે છે. તેનો આગળનો દેખાવ સાવ બદલી દેવામાં આવ્યો છે. નવી સુઝુકી એસ-ક્રોસમાં તમને નવા ટ્રિપલ બીમ હેડલેમ્પ, નવા ડિઝાઇન સાથેના ફૉગ લેમ્પ મળશે. બોનેટ પહેલાની સરખામણીમાં વધારે સુંદર લાગી રહ્યું છે.

કારના ફીચર્સ: S-Crossમાં સ્માર્ટફોન કનેક્ટિવીટી સાથે 7.0 ઇંચની ટચસ્ક્રીન ઇન્ફોટેનમેન્ટ સિસ્ટમ આપવામાં આવી છે. તેના ટૉપ મૉડલમાં સેટેલાઇટ નેવિગેશન સાથે 9.0 ઇંચનું યુનિટ મળે છે. S-Cross ફક્ત 9.5 સેકન્ડમાં 0થી 100 કિલોમીટર પ્રતિ કલાકની ઝડપ પકડી લેશે. તેની ટૉપ સ્પીડ 195 કિલોમીટર પ્રતિ કલાક છે.

સેફ્ટી ફીચર્સ: નવી 2022 સુઝુકી એસ-ક્રોસ અનેક ડ્રાઇવર આસિસ્ટન્ટ સિસ્ટમ સાથે આવે છે. જેમાં ફ્રન્ટ અને રિયર સેન્સર સામેલ છે. નવું મોડલ કલર વિકલ્પ સાથે આવશે. જેમાં સિલ્કી સિલ્વર, મેટાલિક ટાઇટન ડાર્ક ગ્રે, સ્ફીયર બ્લૂ, સૉલિડ વ્હાઇટ, એનર્જેટિક રેડ અને કૉસ્મિક બ્લેક જેવા રંગ સામેલ છે.

ભારતમાં ક્યારે લૉંચ થશે: હાલ S-Crossને ફક્ત યૂરોપીયન બજારમાં સેલ કરવામાં આવી રહી છે. આ મૉડલ ભવિષ્યમાં ભારતમાં પણ આવી શકે છે. ઇન્ડિયામાં S-Cross મિડ-સાઇઝ SUV સેગમેન્ટમાં Hyundai Creta, Kia Seltos જેવી કાર્સ આવે છે. ભારતમાં એસ-ક્રોસના નવા વર્ઝનને લૉંચ કરતાની સાથે અન્ય કારને પડકાર મળશે.

એન્જીન : તમામ નવી સુઝુકી S-Cross કાર્સમાં 1.4 લિટર DITC એન્જીન હશે. જે 48 વોલ્ટ SHVS મિડ-હાઇબ્રિડ ટેક્નોલોજી સાથે પેર કરેલી હશે. એન્જીન 129 PS પાવર અને 235 Nn ટોર્ક જનરેટ કરશે. કારની ઇલેક્ટ્રિક મોટર 13.59 PS પાવર અને 50 Nm ટોર્ક જનરેટ કરવા સક્ષમ છે. કારમાં ઓટોનોમસ ઇમરજન્સી બ્રેકિંગ, ટ્રાફિગ સિગ્નલ રિકગ્નાઇઝેશન, લેન ડિપાર્ચર પ્રિવેન્શન, ક્રૂઝ કંટ્રોલ જેવા ફીચર્સ હશે. કારમાં પાર્કિંગ સપોર્ટ માટે 360 કેમેરો હશે.